აშშ-ის ყოფილმა პრეზიდენტმა ჯორჯ ეიჩ დაბლიუ ბუშმა და ყოფილმა პრეზიდენტმა ჯორჯ დაბლიუ ბუშმა თეთრკანიანთა უპირატესობის მომხრეებისა და ნეო-ნაცისტების შარლოტსვილში გამართული მარშირების შემდეგ, ერთობლივ იშვიათ განცხადებაში ოთხშაბათს გამოაცხადეს, რომ ამერიკელებმა უარი უნდა თქვან „სიძულვილის ყველა ფორმაზე“.
„ამერიკამ ყოველთვის უნდა უკუაგდოს რასობრივი ფანატიზმი, ანტი-სემიტიზმი, და სიძულვილის ყველა ფორმა“, ნათქვამია მამა-შვილის განცხადებაში, რომელიც ორივე მათგანის ოფისმა გამოაქვეყნა.
„მაშინ როცა ჩვენ ვლოცულობთ შარლოტსვილისთვის, ჩვენ უნდა გვახსოვდეს ფუნდამენტური სიმართლე ქალაქის ყველაზე ცნობილი მოქალაქისაგან, რაც დამოუკიდებლობის დეკლარაციაშია ასახული: ჩვენ ყველანი შექმნილები ვართ თანაბრად და მონიჭებული გვაქვს ხელშეუვალი უფლებები ჩვენი შემქმნელისაგან“, აცხადებენ ბუშები და იმოწმებენ თომას ჯეფერსონს. „ჩვენ ვიცით, რომ ეს სიმართლე სამარადისოა, რადგან ჩვენ ვიხილეთ წესიერება და სიდიადე ჩვენი ქვეყნისა“.
ყოფილი პრეზიდენტების ერთობლივი განცხადება ერთი დღის შემდეგ გავრცელდა რაც პრეზიდენტმა ტრამპმა ორივე მხარეს დასდო ბრალი შარლოტსვილის ძალადობაში, რომლის დროსაც ახალგაზრდა ქალი გარდაიცვალა, როცა კონტრ-პროტესტანტების ჯგუფში 20 წლის მამაკაცი ავტომანქანით შევარდა.
ბუშების ერთობლივი განცხადებები იშვიათობაა. დღემდე მათ ეს სულ მცირე ერთხელ -2013 წელს გააკეთეს, როცა მასაჩუსეტის გუბერნატორი პოლ სელუში გარდაიცვალა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.