სერ ბრუს ფორსაიტი, მრავალი წარმატებული სატელევიზიო შოუს ლეგენდარული ტელეწამყვანი 89 წლის ასაკში გარდაიცვალა.

მისი შოუბიზნესში ხანგრძლივი კარიერა დაიწყო მაშინ, როცა ის მხოლოდ 14 წლის იყო.

როგორც BBC იუწყება, იგი ბრიტანეთის ყველაზე მაღალანაზღაურებადი ვარსკვალვი გახდა და ისეთი ცნობილი სათამაშო შოუების წამყვანი იყო, როგორებიცაა The Generation Game, Play Your Cards Right და The Price is Right.

მას ასევე BBC One-ზე მიჰყავდა გადაცემა Strictly ტეს დელისთან ერთად 2004 – 2014 წლებში.

მისი მენეჯერის, იან უილსონის განცხადებაში ნათქვამია, რომ იგი, „გარშემორტყმული თავისი ცოლით და ყველა შვილით, მშვიდად გარდაიცვალა მის სახლში“.

„რამდენიმე კვრის წინათ მას მეგობარი სტუმრობდა და ჰკითხა, რას აკეთებდა ეს 18 თვე. თვალებში ელვარების გაკრთომით, მან უპასუხა: ‘ძალიან, ძალიან დაკავებული ვიყავი...ავადმყოფობით!’“ დაამატა უილსონმა.

სერ ბრუსის ოჯახმა მადლობა გადაუხადა „ბევრ ადამიანს, რომელთაც ბარათები და წერილები გაუგზავნებს ბრუსს და უსურვეს მას კარგად ყოფნა და გამოჯანმრთელება“, და დაამატა, რომ ამ დროისთვის შემდგომი კომენტარი არ გაკეთდება.

შოუბიზნენის სამყაროში მისი მეგობრები და თაყვანისმცემლები პატივს მიაგებენ ლეგენდარულ ტელევარსკვლავს. ბრუსის Strictly-ის თანაწამყვანმა ტეს დელიმ განაცხადა, რომ „გულგატეხილია“.

„მე არასოდეს დამავიწყდება მისი სულგრძელობა, მისი იუმორის ბრწყინვალე გრძნობა და მისი მამოძრავებელი ძალა გაერთო აუდიენცია, რომელიც მას ასე ძლიერ უყვარდა“, განაცხადა მან.