„ეს არ არის ჩვენი ქვეყანა, ჩვენ ის მოვიპარეთ აბორიგენი ამერიკელებისაგან“ - ამერიკელი მსახიობი და მწერალი ტინა ფეი აშშ-ში თეთრკანიანთა უპირატესობის მომხრეებს მიმართავს
19-08-2017, 06:53

შრიფტის ზომა: [ A+ ] / [ A- ]

ამერიკელმა მსახიობმა, მწერალმა, კომედიანტმა და პროდიუსერმა ტინა ფეიმ შარლოტსვილში განვითარებულ მოვლენებსა და ამ ძალადობის მიმართ პრეზიდენტ დონალდ ტრამპის პასუხზე Saturday Night Live -ში ისაუბრა.

 


როგორც ბრიტანული „გარდიანი“ წერს, ფეი ვირჯინიის უნივერსიტეტის კურსდამთავრებულია და იგი გადაცემაში, ქალაქ შარლოტსვილში მომხდარის შესახებ მისი სიბრაზის გამოსახატად მივიდა.

 


მან თქვა, რომ „გული ერევა“ ნაცისტების ქცევით და ამ სტრესთან გასამკლავებლად მისი სტრატეგია ასეთია:

 


„მონახე ადგილობრივი ბიზნესი, რომელსაც შენ მხარს უჭერ, შესაძლოა ეს იყოს ებრაელების საფუნთუშე ან აფრიკელი-ამერიკელების საფუნთუშე, შეუკვეთე ნამცხვარი, რომელზეც ამერიკული დროშა იქნება გამოსახული და უბრალოდ შეჭამე ის“, განაცხადა მან, სანამ სტუდიაში ვებერთელა ნამცხვარს შეიტანდა და მის ჭამას დაიწყებდა.

 


ფეიმ თქვა - „სხვა დროს, როცა შენ „პოლოს“ მაისურებში თეთრი ბიჭების ჯგუფს დაინახავ, რომლებიც გაჰყვირიან, რომ დავიბრუნოთ ჩვენი ქვეყანა უკან, და შენ გინდა დაიყვირო, რომ ეს არ არის ჩვენი ქვეყანა, ჩვენ ის მოვიპარეთ აბორიგენი ამერიკელებისაგან“, - შენ მათდამი დაყვირების ნაცვლად პირი უნდა ქნა ნამცხვირსკენ და მას დაუყვირო.

 


„ვინ შეაგდო ავტომანქანა ხალხის მასაში?“, იხუმრა მან. „ჰილარის ელექტრონულმა წერილებმა?“ (რედაქცია: ვირჯინიაში გასული კვირის ბოლოს, 12 აგვისტოს, თეთრკანიანი ნაციონალისტების შეკრება სისხლიან პროტესტში გადაიზარდა, რასაც მსხვერპლი მოჰყვა მას შემდეგ, რაც ავტომანქანა კონტრ-პროტესტანტების ჯგუფში შევარდა და ახალგაზრდა ქალის სიცოცხლე შეიწირა).

 


მსახიობმა ნამცხვრის ჭამა განაგრძო და ისაუბრა ჭამის ზემოქმედებაზე. „ნამცხვარი მოძრაობის წყაროა. ქალების უმრავლესობა, ვისაც მე ვიცნობ, ამას არჩევნების შემდეგ კვირაში ერთხელ აკეთებს“, თქვა მან და შეკითხვა დასვა, თუ რატომ არ იყო უფრო მტკიცე პოლ რაიანი, როცა ტრამპმა უარი თქვა დაეგმო ისინი, ვინც კონფედერატთა ძეგლების აღების წინააღმდეგ მარშირებდნენ.

 


„სად დგას პოლ რაიანი ყველაფერ ამაში? შენ ახალგაზრდა, მაგარი კონგრესმენი ჩანხარ, მაგრამ არ იცი, როგორ მიაწვდინო ხმა ვინმეს ტვიტერზე? რასიზმი ცუდია @RealDonaldTrump, შე ფისუნია“.

 


მან ასევე ეჭვქვეშ დააყენა ტრამპის მიერ გამოვლენილი უეცარი სიყვარული სამოქალაქო ომის ძეგლებისადმი.

 


„დონი ჯონი ამბობს, რომ ჩვენ უნდა დავიცვათ ჩვენი ქვეყნის მშვენიერი კონფედერატების ძეგლები, როცა შენ იცი, რომ მათ წამებში აიღებდა, თუკი ის მიიჩნევდა, რომ მას შეეძლო იმ ადგილას უხეირო კერძო შენობების აშენება“, თქვა ტინა ფეიმ და როგორც ამას „გარდიანი“ წერს, ყველის სენდვიჩის ნამცხვარში ჩარჭობის შემდეგ, გამოსვლა თეთრკანიანთა უპირატესობის მომხრეების მიმართ წარმოთქმული ასეთი სიტყვებით დაასრულა:

 


„დავაცადოთ ამ გონებაჩლუნგებს, ცარიელ ჰაერში იყვირონ“.

 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ზიმბაბვეს მმართველმა, „ზანუ-PF“-ის პარტიამ რობერტ მუგაბე ლიდერობიდან გადააყენა და მის ნაცვლად ვიცე-პრეზიდენტობიდან დათხოვნილი ემერსონ მნანგაგვა დანიშნა. პარტიიდან იქნა გაძევებული ასევე პრეზიდენტის ცოლი, გრეის მუგაბე.

შეერთებული შტატების ბირთვული საკითხების მთავარმა ფიგურამ განაცხადა, რომ იგი ნებისმიერ „არაკანონიერ“ საპრეზიდენტო ბრძანებას, წამოწყებულ იქნეს ბირთვული თავდასხმა, წინააღმდეგობას გაუწევს.

ყველაზე კითხვადი
  1. საქართველოს 8000 წლის სოფელში არქეოლოგებმა მსოფლიოში ღვინის წარმოების ყველაზე ძველი ფაქტები აღმოაჩინეს - National Geographic-ი
  2. იაპონიაში მატარებლის დაგეგმილზე რამდენიმე წამით ადრე გამგზავრების გამო კომპანიამ ბოდიში მოიხადა
  3. გორის პოლიციამ დააკავა მამაკაცი, რომელმაც ყოფილ მეუღლეს არასრულწლოვანი შვილის თანდასწრებით, სიტყვიერი და ფიზიკური შეურაცხყოფა მიაყენა
  4. საბრძოლო წყალქვეშა გემი, რომლის ბორტზე ეკიპაჟის 44 წევრი იმყოფება, არგენტინის სანაპიროებთან გაუჩინარდა
  5. „გახარია თუ კარგად გაართმევს თავს შს მინისტრობას, ეს შეიძლება გახდეს მისთვის ტრამპლინი პრემიერ მინისტრობისთვის“ - თორნიკე შარაშენიძე
  6. შინაგან საქმეთა ახალმა მინისტრმა ახალი მოადგილეები დანიშნა
  7. კახა კალაძე: მოვითხოვ თითოეული სამსახურის მუშაობის გამჭვირვალობას და მაქსიმალურ კომუნიკაციას საზოგადოებასთან
  8. საქართველოს საზღვრის სიახლოვეს, აზერბაიჯანის ტერიტორიაზე მიწისძვრა მოხდა
  9. „ეს ბიბლიური წარღვნაა“ – სულ მცირე 14 ადამიანი დაიღუპა საბერძნეთში ძლიერი წვიმებით გამოწვეული წყალდიდობის შედეგად
  10. თბილისის მერის ინიციატივით, გმირთა მოედანზე არსებული მიწისქვეშა გადასასვლელის მოხატვა დაიწყო
ბოლო სიახლეები
ამინდის პროგნოზი
ვალუტის კურსი