შეერთებული შტატების სამხედრო-საზღვაო ფლოტის განცხადებით, სინგაპურის სანაპიროსთან ამერიკული გამანადგურებლის ნავთობსასხმელ გემთან შეჯახების შედეგად ხუთმა მეზღვაურმა დაზიანებები მიიღო, ხოლო 10 მეზღვაური დაკარგულად არის გამოცხადებული.
BBC -ის ცნობით, ამერიკული გამანადგურებელი USS John S McCain სინგაპურის აღმოსავლეთით მიცურავდა და ემზადებოდა პორტში გასაჩერებლად, როცა იგი ლიბერიის დროშის ქვეშ მცურავ გემს შეეჯახა.
სინგაპურის სანაპიროსთან ამ დროისთვის მასშტაბური სამძებრო-სამაშველო ოპერაცია მიმდინარეობს.
ეს ამერიკული გამანადგურებლის მეორე სერიოზული შეჯახებაა ბოლო თვეებში.
შეერთებული შტატების სამხედრო-საზღვაო ფლოტმა გასული კვირის ბოლოს განაცხადა, რომ ათეულობით მეზღვაურს დისციპლინარულ სასჯელს გამოუცხადებს მას შემდეგ, რაც ივნისში, იაპონიის ტერიტორიულ წყლებში USS Fitzgerald-ის ფილიპინების გემთან შეჯახების შედეგად შვიდი მეზღვაური დაიღუპა.
ამჟამინდელი შეჯახება გამთენიისას, ადგილობრივი დროით 05:24 საათამდე მოხდა.
მალაიზიური სამხედროს-საზღვაო ფლოტის ხელმძღვანელმა ადმ აჰმად კამარულზამან აჰმად ბადარუდინმა „თვითერზე“ ფოტო გამოაქვეყნა, რომელზეც ჩანს, რომ ამერიკულ გემს ნახვრეტი ზურგის, პორტის მხარეს აქვს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.