ბორჯომის ხეობაში ერთ-ერთი ქართული ვერტმფრენი წყლის რეზერვუარის ავსებისას ჩამოვარდა.
სამართალდამცველების თქმით, ვერტმფრენში ეკიპაჟის სამი წევრი და ერთი მაშველი იმყოფებოდა. ექიმების განცხადებით, ოთხივეს ჯანმრთელობის მდგომარეობა დამაკმაყოფილებელია და მათ სიცოცხლეს საფრთხე არ ემუქრება, თუმცა აუცილებელია დიაგნოსტიკური გამოკვლევები, რომ შინაგან ორგანოებზე რაიმე დაზიანებები გამოირიცხოს.
ვერტმფრენის ეკიპაჟის წევრები თბილისში, ღუდუშაურის სახელობის საავადმყოფოში გადაჰყავთ.
ბორჯომის ხეობაში ვერტმფრენის ჩამოვარდნის ადგილზე შინაგან საქმეთა მინისტრი გიორგი მღებრიშვილი იმყოფება.
ადგილზე ტექნიკა მუშაობს იმისათვის, რომ დაგუბებულ წყალში ჩავარდნილი ვერტმფრენი ამოიყვანონ.
ინციდენტის მიზეზი ჯერჯერობით უცნობია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.