უკრაინის სახელმწიფო სასაზღვრო სამსახურის ხელმძღვანელის თანაშემწემ ოლეგ სლობოდიანმა უკრაინულ სააგენტო „უნიანს“ განუცხადა, რომ საქართველოს ყოფილმა პრეზიდენტმა მიხეილ სააკაშვილმა უკანონოდ გადაკვეთა უკრაინის საზღვარი.
„ადამიანთა ჯგუფმა, რომელთა შორისაც ამისათვის მომზადებული ხალხი იყო, გაარღვიეს სასაზღვრო პუნქტი „შეგინი“, ფაქტობრივად, შეიძლება ითქვას, რომ შეიჭრნენ პოლონეთის ტერიტორიაზე, ხელი ჩაავლეს მიხეილ სააკაშვილს, წამოიწყეს ჩხუბი მესაზღვრეებთან და სააკაშვილი უკრაინის ტერიტორიაზე გადაიყვანეს“, განაცხადა სლობოდიანმა და დაამატა:
„მან [სააკაშვილმა] პირთა ჯგუფთან ერთად, რომელიც მას აცილებდა, უკანონოდ გადაკვეთა საზღვარი, რადგანაც არავითარი საბაჟო-სასაზღვრო კონტროლი მათ არ გაუვლიათ“.
„უკრაინსკაია პრავდასთან“ საუბრისას კი სლობოდიანმა განაცხადა, რომ სასაზღვრო სამსახურმა მომხდართან დაკავშირებით პროკურატურას მიმართა. „აქ მთელი რიგი დარღვევებია. ახლა ჩვენი ამოცანაა დავაფიქსიროთ ყველა ეს დარღვევა ცხელ კვალზე და გადავცეთ ის პროკურატურას... ეს არის უკანონო გარღვევა სარეჟიმო ობიექტზე, პოლონურ მხარესთან საერთაშორისო შეთანხმების დარღვევა, სახელმწიფო საზღვრის უკანონო გადაკვეთა, ასევე სასაზღვრო სამსახურის თანამშრომლებისთვის სხეულის დაზიანება“, განაცხადა მან და დასძინა, რომ მასალების მომზადებას „გარკვეული დრო დასჭირდება“ და დოკუმენტები არა მარტო სააკაშვილს შეეხება, არამედ მათაც, ვინც მას საზღვრის გადაკვეთაში დაეხმარა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.