მრავალეროვნული სწავლება „Agile Spirit 2017“ დასრულდა
11-09-2017, 09:15

შრიფტის ზომა: [ A+ ] / [ A- ]

 

ორფოლოს სასროლეთზე მრავალეროვნული სამხედრო სწავლების „Agile Spirit 2017“-ის დახურვის ცერემონიალი გაიმართა.

 

 

ღონისძიებას საქართველოს თავდაცვის მინისტრი ლევან იზორია, საქართველოს შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია, გენერალური შტაბის უფროსის პირველი მოადგილე, პოლკოვნიკი ნიკოლოზ ჯანჯღავა, საქართველოში აშშ-ის ელჩის მოადგილე ელიზაბეტ რუდი, საქართველოში ნატოს სამეკავშირეო ოფისის ხელმძღვანელი უილიამ ლაჰიუ, ასევე ადგილობრივი ხელისუფლებისა და დიპლომატიური კორპუსის წარმომადგენლები დაესწრნენ.

 


თავდაცვის სამინისტროს ცნობით, დახურვის ცერემონიალის დაწყებამდე სწავლებაში მონაწილე სამხედრო ქვედანაყოფებმა საჩვენებელი წვრთნები გამართეს. უკრაინულმა საზღვაო-საავიაციო ქვედანაყოფმა დესანტირების, სპეციალური ოპერაციების ძალების ქართველმა და ბულგარელმა სამხედროებმა კი, რეიდის ოპერაცია ჩაატარეს.

 

 

„საქართველოს შეიარაღებული ძალების, აშშ-ის საზღვაო ქვეითებისა და არმიის, რუმინეთის, ბულგარეთისა და უკრაინის პირადმა შემადგენლობამ მძიმე და მსუბუქი ჯავშანტექნიკის, ასევე არტილერიის მხარდაჭერით შეტევითი, თავდაცვითი და ჩანაცვლების ოპერაციები განახორციელეს.

 


მრავალეროვნული სწავლების ოფიციალური დახურვის ცერემონიალი საქართველოს სახელმწიფო ჰიმნით გაიხსნა. ღონისძიებაზე საბრძოლო მოქმედებებსა და საერთაშორისო მისიებში დაღუპული სამხედრო მოსამსახურებისა და აშშ-ში 11 სექტემბრის ტერაქტის მსხვერპლთა ხსოვნას წუთიერი დუმილით პატივი მიაგეს.

 


საერთაშორისო სწავლებაში მონაწილე პირად შემადგენლობას სიტყვით საქართველოს თავდაცვის მინისტრმა, გენერალური შტაბის უფროსმა და საქართველოში აშშ-ის ელჩის მოადგილემ მიმართეს, სწავლების ორგანიზატორებსა და მონაწილეებს მადლობა გადაუხადეს, წვრთნების წარმატებით ჩატარება მიულოცეს და სამომავლოდ წარმატება უსურვეს.

 


ღონისძიების ფარგლებში მრავალეროვნულ სამხედრო სწავლებაში მონაწილე სამხედრო მოსამსახურეების დაჯილდოების ცერემონიალი გაიმართა. საბრძოლო მომზადებაში მიღწეული წარმატებისათვის და ჯარების მაღალი მზადყოფნის შენარჩუნებისათვის ლევან იზორიამ და გენერალ-მაიორმა ვლადიმერ ჩაჩიბაიამ ცხრა სამხედრო თავდაცვის სამინისტროს უწყებრივი მედლით, „გენერალი კვინიტაძით“ დააჯილდოვეს.

 


სწავლების დახურვის ცერემონიალის ბოლოს, მოწვეული სტუმრებისთვის სწავლებაში მონაწილე სამხედრო ტექნიკისა და აღჭურვილობის გამოფენაც გაიმართა.

 

 

სამხედრო სწავლება საქართველოს შეიარაღებული ძალების და აშშ-ის საზღვაო ქვეითთა კორპუსის ევროპისა და აფრიკის ძალების ორგანიზებით ორფოლოს პოლიგონზე და ლეიტენანტ შოთა ხურციძის სახელობის ჯავშანსატანკო სასწავლო ცენტრში ჩატარდა. წვრთნებში საქართველოს, აშშ-ის, უკრაინის, ბულგარეთის, რუმინეთის, ლატვიისა და აზერბაიჯანის 1500-ზე მეტმა სამხედრომ მიიღო მონაწილეობა.

 


სწავლების მიზანი ნატოს რეაგირების ძალების შემადგენლობაში ერთობლივ ოპერაციებში ან კრიზისებზე რეაგირებისათვის მზადყოფნა, სწავლებაში მონაწილე ქვეყნების შეიარაღებული ძალების ქვედანაყოფებს შორის ტაქტიკურ დონეზე ურთიერთქმედებების გაუმჯობესება, ქვეითი და მექანიზირებული ქვედანაყოფების შერწყმა, ასევე ამერიკის შეერთებულ შტატებთან და პარტნიორ ქვეყნებთან ურთიერთანამშრომლობის დახვეწა იყო. სწავლების სცენარი სტაბილურობისა და შეტევა/თავდაცვით ოპერაციებს ემყარებოდა", აღნიშნულია საქართველოს თავდაცვის სამინისტროს მიერ გავრცელებულ ინფორმაციაში.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ჩრდილოეთ კორეის საგარეო საქმეთა მინისტრმა შეერთებული შტატების პრეზიდენტს, დონალდ ტრამპს ომის გამოცხადებაში დასდო ბრალი. რი იონგ ჰომ რეპორტიორებს ნიუ იორკში უთხრა, რომ ჩრდილოეთ კორეას უფლება გააჩნდა ჩამოეგდო შეერთებული შტატების ბომბდამშენები, მიუხედავად იმისა, რომ ისინი ჩრდილოეთ კორეის საჰაერო სივრცეში არ იმყოფებოდნენ.

დასავლეთ სანაპიროზე, ებრაული ახალშენის შესასვლეში, შეირაღებულმა პალესტინელმა მამაკაცმა ცეცხლსასროლი ირაღით სამი ისრაელელი მოკლა, ოთხ ადამიანს სერიოზული დაზიანებები აქვს მიღებული. ინფორმაციას BBC ისრაელის ხელისუფლებაზე დაყრდნობით ავრცელებს.

ყველაზე კითხვადი
  1. სტამბოლის ათათურქის აეროპორტში თვითმფრინავი ჩამოვარდა - თურქული მედია
  2. ძლიერი, 7.1 მაგნიტუდის სიმძლავრის მიწისძვრა მოხდა მეხიკოში, რამაც პანიკა შექმნა და ათასობით ადამიანი ქუჩაში გამოიყვანა
  3. შეერთებული შტატების ბომბდამშენებმა და საბრძოლო თვითმფრინავებმა ჩრდილოეთ კორეის სანაპიროსთან გადაიფრინეს
  4. არჩილ ჯაფარიძე: რაჭა-ლეჩხუმისა და ქვემო სვანეთის რეგიონში 2013–17 წლებში 194 მილიონ ლარზე მეტი ღირებულების 3 000 ინფრასტრუქტურული პროექტი განხორციელდა
  5. ოფიციალური ფხენიანი დონალდ ტრამპს ომის გამოცხადებაში სდებს ბრალს და აცხადებს, რომ ჩრდილოეთ კორეის „უზენაესი ხელმძღვანელობა ყველა არჩევანს განიხილავს“
  6. კათოლიკოს-პატრიარქი მიმართვას ავრცელებს - „ეკლესიის წინააღმდეგ ბოლო დროს განვითარებული მოვლენები მტკივნეულად შეეხო ჩვენი ქვეყნის გარეთ მცხოვრებ ქართველებსაც და მათი განაწყენება გამოიწვია“
  7. მერკელი „უკეთეს შედეგს“ მოელოდა, მე-3 ადგილზე გასულმა ულტრა-მემარჯვენეების ლიდერმა კი განაცხადა, რომ გერმანიამ „შეუდარებელი პოლიტიკური მიწისძვრა“ განიცადა
  8. პრეზიდენტმა დონალდ ტრამპმა ხელი მოაწერა ახალ განკარგულებას, რომელიც გააფართოებს სანქციებს ჩრდილოეთ კორეის წინააღმდეგ
  9. კიმ ჩენ ინმა დონალდ ტრამპზე თქვა, რომ იგი „აუცილებლად მოათვინიერებს ფსიქიურად შეშლილ გამოჩერჩეტებულ მოხუცს“
  10. გამანადგურებელმა ქარიშხალმა „მარია“-მ 3.5 მილიონი ადამიანი, მთელი პუერტო რიკო, ელექტროენერგიის გარეშე დატოვა
ბოლო სიახლეები
ამინდის პროგნოზი
ვალუტის კურსი