კუალა-ლუმპურის რელიგიურ სკოლაში ხანძრის შედეგად დაღუპული 21 სტუდენტიდან ყველა ბიჭია და ისინი 13-დან 17 წლამდე ასაკის იყვნენ
14-09-2017, 09:41

შრიფტის ზომა: [ A+ ] / [ A- ]

 

მალაიზიის დედაქალაქ კუალა-ლუმპურის რელიგიურ სკოლაში გაჩენილ ხანძარს 21 მოსწავლე და ორი მასწავლებელი შეეწირა.

 


სკოლაში ხანძარი ხუთშაბათს, გამთენიისას გაჩნდა.

 


ხალხის ვარაუდით ბავშვები და მათი მასწავლებლები საერთო საცხოვრებლის ოთახში ჩაიკეტნენ, რომლის ფანჯრებსაც რკინის გისოსები ჰქონდა.

 


საგანგებო სიტუაციების მართვის დეპარტამენტის დირექტორმა, ხირუდინ დრაჰმანმა ახალი ამბების სააგენტო AFP-ს განუცხადა: „ქვეყანაში ბოლო 20 წელიწადში ყველაზე უბედური ხანძარი ვიხილეთ დღეს“.

 


როგორც BBC იუწყება, თავდაპირველად გავრცელებული ინფორმაციის თანახმად, დაღუპულთა რაოდენობა 25-ს შეადგენდა, მაგრამ მოგვიანებით პოლიციამ დააზუსტა, რომ უბედურ შემთხვევას 21 მოსწავლე და 2 მასწავლებელი შეეწირა.

 


პოლიციის ცნობით, დაღუპული 21 სტუდენტიდან ყველა ბიჭია და ისინი 13-დან 17 წლამდე ასაკის იყვნენ.

 


საავადმყოფოში ათი ადამიანი გადაიყვანეს, ოთხ მათგანს სერიოზული დაზიანებები აქვს მიღებული.

 


ხანძარი ადგილობრივი დროით დილის 05:40-ზე გაჩნდა. პოლიციის თქმით, ცეცხლი პირველად საძინებელ ოთახებში გაჩნდა.

 


ისლამურ სკოლებში ბავშვები ხშირად, სკოლის შენობაში ცხოვრობენ.

 


საგანგებო სიტუაციების მართვის დეპარტამენტის დირექტორის მოადგილემ, სოიმან ჯაჰიდმა განაცხადა: „ჩვენ მიერ ჩატარებული გამოძიების შედეგად დავადგინეთ, რომ ბავშვები და მასწავლებლები ფანჯრებიდან ცდილობდნენ გაქცევას, თუმცა ფანჯრებზე გისოსებია და ამიტომ ოთახში ჩაიკეტნენ“.

 


მან განაცხადა, რომ ხანძრის მიზეზი ჯერ არ დაუდგენიათ. ვარაუდობენ, რომ ცეცხლის გაჩენა მოკლე ჩართვამ ან კოღოების დამაფრთხობელმა სპირალმა გამოიწვია.

 


ადგილობრივი მედიის თქმით, ამდენი მსხვერპლი სკოლაში სახანძრო სისტემის გაუმართაობის გამოა.

 


მალაიზიაში სკოლებში 2015 წლიდან 29 ხანძარი მოხდა.

 


სკოლის გვერდზე მცხოვრებმა მეზობელმა „როიტერსის“ სააგენტოს განუცხადა, რომ ყვირილის ხმა შემოესმა, თუმცა ბავშვებს ვერ დაეხმარა, რადგან შესასვლელ კარებს უკვე ცეცხლი ეკიდა.

 


მან დაინახა 15 წლის მოსწავლე, რომელიც ფანჯრის გისოსებში გამოძვრა და წყლის მილის დახმარებით დაბლა დაეშვა.

 


კუალა-ლუმპურის პოლიციის დეპარტამენტის მეთაურმა, ამარ სინგმა განაცხადა, რომ გარდაცვლილთა სხეულები „მთლიანად დაიწვა“.

 


„საუბედუროდ, მხოლოდ ერთი გასასვლელი იყო და ამიტომ ყველამ ვერ შეძლო შენობის დატოვება. გარდაცვლილთა დამწვარი სხეულები ერთმანეთზე იყო დაწყობილი.“

 


ოფიციალური პირების განცხადებით, მეხანძრეები ადგილზე რამდენიმე წუთში მივიდნენ და ცეცხლი ერთ საათში ჩააქრეს.

 


პრემიერ-მინისტრმა ნაჯიბ რაზაკმა ტვიტერზე დაწერა, რომ იგი უსამძიმრებს დაღუპულთა ოჯახებს და ყველაფერს გააკეთებს მომავალში ასეთი შემთხვევების რაოდენობის შემცირებისთვის.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი