პარტია „ქართული ოცნება-დემოკრატიული საქართველოს“ ფოთის მერობის კანდიდატი გოჩა კურდღელია ნაბადის უბნის მოსახლეობას შეხვდა და მათ მაჟორიტარობის კანდიდატი წარუდგინა.
ნაბადის უბანში მაჟორიტარობისთვის „ქართული ოცნებიდან“ სამსონ კუტალია იბრძოლებს.
პარტიის პრესსამსახურის ცნობით, მოსახლეობასთან შეხვედრისას გოჩა კურდღელიამ ფოთის განვითარების საკუთარ ხედვებსა და შემუშავებულ პროგრამაზე ისაუბრა.
„ქართულმა ოცნებამ“ ფოთში 2012 წლის შემდეგ ბევრი მნიშვნელოვანი პროექტი განახორციელა. ყველა მათგანი მოსახლეობის ინტერესებსა და კეთილდღეობაზე იყო გათვლილი. გპირდებით, ყველაფერს გავაკეთებ იმისთვის, რომ თითოეული თქვენგანის ცხოვრება კიდევ უფრო გაუმჯობესდეს. „ქართული ოცნების“ გუნდი ერთიანი ძალებით, პირველივე დღიდან შეუდგება ფოთში ჯერ კიდევ არსებული პრობლემების დაძლევას. რა თქმა უნდა, ამას სჭირდება სახელისუფლო მხარდაჭერა, რომელიც ჩვენ დღეს გვაქვს. ყოველი ჩვენგანის ვალია საკუთარი წვლილი შევიტანოთ ქალაქის წინსვლაში. თქვენთან ერთად ჩვენ შევქმნით ძლიერ თვითმმართველობას ძლიერი საქართველოსთვის“, განაცხადა მერობის კანდიდატმა, რომელმაც ნაბადის უბანში არსებული საჭიროებების შესახებ ინფორმაცია მოისმინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.