ექსპერტ სოსო ცისკარიშვილის განცხადებით, ივანიშვილი მლიქვნელთა წრეშია მოქცეული, რომელთაგან უარეს ნაბიჯებსა და გამონათქვამებსაც უნდა ელოდოს, მაგალითად, მაშინ, როგორც კი ეს ხალხი ვეღარ მოხვდება 2016 წლისთვის დაგეგმილი არჩევნების სიაში“


როგორც ექსპერტმა გაზეთ „კვირის პალიტრასთან“ საუბრისას განაცხადა, ივანიშვილი გულში დიდხანს არაფერს ინახავს და წყენასა თუ სიხარულზე ლაპარაკს საჯაროდ იწყებს.


ამის შესახებ ცისკარიშვილმა ჟურნალისტის კითხვის საპასუხოდ განაცხადა, რომელიც თავდაცვის ექსმინისტრისა და „თავისუფალი დემოკრატების“ ლიდერის, ირაკლი ალასანიას მწვავე განცხადებების შემდეგ ბიძინა ივანიშვილის განაცხადებას („ალასანიამაც გაიმეორა იგივე, რასაც ამბობენ გიგა ბოკერია და „ნაციონალური მოძრაობის“ წევრები, რომ მე ქვეყნის მთავარი პრობლემა ვარ, მის ამ განცხადებას კი ჩემი გუნდიდან არავინ გამოეხმაურა, რამაც გამაოცა“) ეხებოდა.


ექსპერტის თქმითვე, ივანიშვილი მლიქვნელთა წრეშია მოქცეული, რომელთაგან უარეს ნაბიჯებსა და გამონათქვამებსაც უნდა ელოდოს.


„რეალობა საკმაოდ მკაცრია - გულდასაწყვეტია, როდესაც მავანთაგან ჯერ ხოტბასა და დიდებას იღებ, მერე კი არათუ მხოლოდ კრიტიკას, არამედ შეურაცხყოფასაც. ის, რომ ალასანიას განცხადებებს მისი გუნდიდან არავინ გამოეხმაურა, ბუნებრივია, გაუკვირდა, რადგან ივანიშვილი მლიქვნელთა წრეშია მოქცეული, რომელთაგან უარეს ნაბიჯებსა და გამონათქვამებსაც უნდა ელოდოს, მაგალითად, მაშინ, როგორც კი ეს ხალხი ვეღარ მოხვდება 2016 წლისთვის დაგეგმილი არჩევნების სიაში“,-განაცხადა ცისკარიშვილმა.