ირანის სამხედრო-კოსმოსური ძალების მეთაურმა ამირ ალი ხაჯიზადემ განაცხადა, რომ ირანს თავის მიერ წარმოებული 10-ტონიანი არაბირთვული ბომბი აქვს და მას „ყველა ბომბის მამა“ უწოდა - აშშ-ის არაბირთვული სუპერ-მძლავრი ბომბის ანალოგიით.
თავდაცვითი ინდუსტრიის ორგანიზაციამ სამხედრო-კოსმოსური ძალების დავალებით აწარმოა ბომბი, რომლის წონა დაახლოებით 10 ტონაა და რომელიც შესაძლოა, რომ ჩამოგდებული იყოს „ილიუშინის“ ვერტმფრენებიდან“, განაცხადა ხაჯიზადემ ტელეკომპანია IRIB-თან ინტერვიუში და დასძინა, რომ ბომბს ძალიან დიდი გამანადგურებელი შესაძლებლობები აქვს.
როგორც რუსული სააგენტო „რია ნოვოსტი“ იტყობინება, ირანის არმიის მაღალჩინოსანმა ტელეკომპანიის ეთერში ეს განცხადება მას შემდეგ გააკეთა, რაც მას მისივე სიტყვების - „თუკი შეერთებულ შტატებს ყველა ბომბის დედა აქვს, მაშინ ირანს ყველა ბომბის მამა აქვს“ - კომენტირება სთხოვეს.
ამერიკის შეერთებულმა შტატებმა მის სამხედრო არსენალში ყველაზე დიდი არაბირთვული ბომბი აღმოსავლეთ ავღანეთში, სადაც მიიჩნევენ, რომ „ისლამურ სახელმწიფოსთან“ აფილირებული მებრძოლები არიან დისლოცირებული, მიმდინარე წლის აპრილში ჩამოაგდო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.