საქართველოს თავდაცვის მინისტრის პირველმა მოადგილემ საქართველოში იტალიის რესპუბლიკის თავდაცვის ახალ ატაშეს უმასპინძლა. ლელა ჩიქოვანმა კაპიტან ატილიო გატიას წარმატებები და საქართველოში ნაყოფიერი საქმიანობა უსურვა.
შეხვედრაზე მხარეებმა საქართველოსა და იტალიას შორის თავდაცვის სფეროში არსებული ორმხრივი თანამშრომლობის საკითხები განიხილეს და ნატოსთან ურთიერთთავსებადობის გაუმჯობესების მნიშვნელობა აღნიშნეს.
თავდაცვის სამინისტროს ცნობით, საუბარი შეეხო სამხედრო განათლების კუთხით თანამშრომლობის პრაქტიკულ ასპექტებსაც, კერძოდ, სამხედრო პოლიციის განვითარების პერსპექტივებს. შეხვედრაზე საუბრის ერთ-ერთ თემას ნატო-საქართველოს არსებითი პაკეტის (SNGP) იმპლემენტაცია წარმოადგენდა.
თავდაცვის მინისტრის პირველმა მოადგილემ პაკეტით გათვალისწინებული ინიციატივების განხორციელების პროცესში საერთაშორისო მხარდაჭერა და პარტნიორი ქვეყნების ჩართულობა, ექსპერტების მონაწილეობის მნიშვნელობა ხაზგასმით აღნიშნა.
„საქართველოს ევროატლანტიკურ სტრუქტურებში ინტეგრაციის პროცესზე საუბრისას, იტალიის თავდაცვის ატაშემ ჩვენი ქვეყნის ნატოში ინტეგრაციისა და ტერიტორიული მთლიანობის მიმართ მტკიცე მხარდაჭერა გამოხატა.
კაპიტანმა ატილიო გატიამ თავდაცვის ატაშეს თანამდებობაზე საზღვაო კაპიტანი, დანიელე სივიკო შეცვალა.
თავდაცვის სამინისტროში გამართულ შეხვედრაზე იტალიის თავდაცვის ახალი ატაშე, ელჩთან, ანტონიო ენრიკო ბარტოლისთან და მოადგილესთან, ლეიტენანტ ნიკოლა ფერუჩისთან ერთად იმყოფებოდა“, აღნიშნულია თავდაცვის სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.