I საარტილერიო ბრიგადის რეაქტიული ბატალიონის გეგმიური საველე სწავლება დასრულდა. თავდაცვის სამინისტროს ცნობით, სწავლების მიზანს ბატალიონის შტაბისა და ქვედანაყოფების კოორდინირებულ მუშაობაში უნარების დახვეწა წარმოადგენდა.
„სამკვირიანი წვრთნების განმავლობაში პირადი შემადგენლობა საბრძოლო გასროლებს BM21 ზალპური ცეცხლსასროლი სისტემებიდან აწარმოებდა. სამიზნე მანძილი კი 6 კილომეტრამდე მერყეობდა.
დასკვნით ნაწილში ბატალიონში შემავალ ასეულებს სპეციალურად აღნიშნული სწავლებისთვის I საარტილერიო ბრიგადის შემფასებელთა ჯგუფი აფასებდა. ჯგუფი სამხედრო მოსამსახურეებს საბრძოლო ბრძანების გაცემის, აღსრულების პროცესისა და სამხედრო გადაწყვეტილების მიღების დროს გამოვლენილი თვისებების მიხედვით აფასებს.
გეგმიური საველე სწავლება საბრძოლო სროლებით მომავალშიც იგეგმება", აღნიშნულია თავდაცვის უწყების მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.