იაპონიის პრემიერ მინისტრმა შინძო აბემ რიგგარეშე საპარლამენტო არჩევნების ჩატარების გადაწყვეტილება მიიღო. იგი ქვეყნის პარლამენტს ხუთშაბათს დაშლის.
აბემ ერთი წლით ადრე არჩევნების ჩატარების აუცილებლობა იმით ახსნა, რომ მას ესაჭიროება ახალი მანდატი „ეროვნული კრიზისის“ დასაძლევად, რაც ჩრდილოეთ კორეიდან მომდინარე მზარდ საფრთხეებს უკავშირდება.
აბეს არჩევნების თარიღი არ დაუსახელებია, მაგრამ როგორც BBC იაპონურ მედიაზე დაყრდნობით წერს, იგი 22 ოქტომბერს ჩატარდება.
პრემიერ მინისტრმა ასევე განათლების და სოციალური სფეროების 2 ტრილიონი იენის (17.8 მილიარდი აშშ დოლარი) სტიმულირების პაკეტის შესახებ გამოაცხადა.
ორშაბათ საღამოს გამართულ პრესკონფერენციაზე აბემ აღნიშნა, რომ საჭიროა ახალი სტიმულირება პროგრამებისათვის, რათა იაპონია მომავლისთვის მოემზადოს.
მან ასევე განაცხადა, რომ განაგრძობს ფისკალურ რეფორმებს და ახლახან წარმოდგენილი გაყიდვების გადასახადებიდან მიღებულ შემოსავლებს ბიუჯეტის დასაბალანსებლად და ვალების შესამცირებლად გამოიყენებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.