საქართველოს თავდაცვის სამინისტროს დელეგაცია ოფიციალურ ვიზიტად ამერიკის შეერთებულ შტატებში იმყოფებოდა.
თავდაცვის სამინისტროს ცნობით, ვიზიტის მიზანს ამერიკული სამხედრო საგანმანათლებლო დაწესებულებების სასწავლო პროგრამების გაცნობა წარმოადგენდა.
აშშ-ში ვიზიტის ფარგლებში დელეგაციის ხელმძღვანელი, თავდაცვის მინისტრის მოადგილე ნუკრი გელაშვილი და დავით აღმაშენებლის სახელობის საქართველოს ეროვნული თავდაცვის აკადემიის რექტორი, პოლკოვნიკი ზაზა ჯაფარიძე ვირჯინია ტეკის კადეტთა კორპუსის შემადგენლობასა და სამხრეთ კაროლინას ციტადელის სამხედრო კოლეჯს ეწვივნენ.
შეხვედრებს საქართველოს თავდაცვის სამინისტროს სპეციალური წარმომადგენელი გაეროში მირიან ფოფხაძეც ესწრებოდა.
„მხარეებმა საგანმანათლებლო დაწესებულებებს შორის აკადემიური პროგრამების თავსებადობის საკითხი, ასევე ქართულ და ამერიკულ სამხედრო სასწავლებლებს შორის გრძელვადიანი და მოკლევადიანი გაცვლითი პროგრამები განიხილეს, მათი ამოქმედების მიზნით, კონკრეტული გეგმები დასახეს და თანამშრომლობის გაღრმავების სამომავლო პერსპექტივებზე იმსჯელეს“, აღნიშნულია საქართველოს თავდაცვის სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.