თბილისის ზღვის ტერიტორიაზე საქართველოს შეიარაღებული ძალების საინჟინრო ბრიგადის რადიაქტიული, ქიმიური და ბიოლოგიური (რქბ) დაცვის ასეულისთვის საბაზისო სწავლების დასკვნითი ეტაპი გაიმართა.
ასეულის პირად შემადგენლობას წვრთნები გერმანიის სამხედრო ძალების რქბ სკოლის ინსტრუქტორებმა ჩაუტარეს.
თავდაცვის სამინისტროს ცნობით, წვრთნებში ქართველმა სამხედროებმა 2016 წელს გერმანიის თავდაცვის სამინისტროს მიერ გადმოცემული სპეციალურ სადეკონტამინაციო სატვირთო მანქანები გამოიყენეს.
მათივე ინფორმაციით, რადიაქტიული, ქიმიური და ბიოლოგიური დაცვის ასეულის საბაზისო სწავლება 50-მდე სამხედრო მოსამსახურემ გაიარა და მათ სხვადასხვა პირობებში დაბინძურებული ტერიტორიების დაზვერვის, მონიშვნის და მასშტაბის დადგენის პრინციპები შეიასწავლეს, ასევე ტერიტორიების პერსონალისა და ტექნიკის დამუშავებისთის საჭირო მასალებისა და რესურსების რაოდენობის დადგენის და მომზადების ხერხებს დაეუფლნენ.
საქართველომ რადიაქტიულ, ქიმიურ და ბიოლოგიურ (რქბ) თავდაცვის სფეროში პარტნიორობა გერმანულ მხარესთან 2014 წელს დაიწყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.