ესპანეთის საკონსტიტუციო სასამართლომ კატალონიის პარლამენტის ორშაბათის სესია შეაჩერა, რომელზეც რეგიონის ესპანეთიდან გამოყოფისა და დამოუკიდებლობის გამოცხადება იგეგმება.
სასამართლომ განაცხადა, რომ ამგვარი ნაბიჯი „კონსტიტუციის დარღვევა“ იქნება.
უფრო ადრე, ესპანეთის პრემიერ მინისტრმა მარიო რაჰოიმ გააფრთხილა კატალონიის რეგიონული მთავრობა, რომ არ გამოაცხადოს დამოუკიდებლობა კვირას გამართული სადავო რეფერენდუმის შემდეგ.
კატალონიის ლიდერმა კარლეს პუჩდემონმა განაცხადა, რომ დამოუკიდებლობის გამოცხადება „დღეების საქმეა“ და დასძინა, რომ ამგვარი ნაბიჯის გადადგმა მომავალი კვირის სესიაზე მოხდება.
როგორც BBC იუწყება, სასამართლო, გადაწყვეტილების მიღებისას, არა მადრიდის მთავრობის, არამედ კატალონიის „სოციალისტური პარტიის“ პოზიციიდან გამოვიდა, რომელიც ეწინააღმდეგება ესპანეთიდან რეგიონის გამოყოფას.
სასამართლომ განაცხადა, რომ რეგიონული პარლამენტისთვის შეკრებისა და დამოუკიდებლობის გამოცხადების ნების დართვა, პარტიის დეპუტატების უფლებებს დაარღვევს.
საკონსტიუტუციო სასამართლოს უფრო ადრინდელი გადაწყვეტილება, რომელიც კვირას რეფერენდუმის გამართვას კრძალავდა, კატალონიის ლიდერების მიერ იგნორირებული იქნა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.