საქართველოს პრემიერ მინისტრი გიორგი კვირიკაშვილი ირანის ისლამური რესპუბლიკის შრომისა და სოციალური დაცვის მინისტრს ალი რაბიეის შეხვდა, რომელიც თბილისში ორი ქვეყნის მთავრობათაშორისი ეკონომიკური კომისიის მორიგი სხდომის ფარგლებში იმყოფება.
პრემიერ მინისტრის პრესსამსახურის ცნობით, საუბარი შეეხო ორი ქვეყნის თანამშრომლობას სხვადასხვა მიმართულებით, მათ შორის სავაჭრო-ეკონომიკურ და ტურიზმის სფეროში.
პრემიერ მინისტრმა ისაუბრა ქვეყანაში მიმდინარე ეკონომიკურ და სტრუქტურულ რეფორმებზე, მსხვილ ინფრასტრუქტურულ პროექტებზე, ასევე ხაზი გაუსვა საქართველოში არსებულ ხელსაყრელ საინვესტიციო გარემოს.
პრესსამსახურის ინფორმაციით, ყურადღება დაეთმო სპარსეთის ყურე-შავი ზღვის მიმართულებით სატრანზიტო დერეფნის განვითარებისა და ენერგეტიკის სფეროში თანამშრომლობის საკითხებს.
მხარეებმა დადებითად შეაფასეს საქართველო-ირანს შორის არსებული ეკონომიკური ურთიერთობები და ორი ქვეყნის მთავრობათაშორისი ეკონომიკური კომისიის საქმიანობა, რომლის მეექვსე სხდომა ხვალ თბილისში გაიმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.