ჩრდილოეთ კორეის ჰაკერებმა სამხრეთ კორეიდან სამხედრო დოკუმენტების დიდი ნაწილი, მათ შორის ჩრდილოეთ კორეის ლიდერის, კიმ ჩენ ინის მოკვლის გეგმა მოიპარეს.
სამხრეთ კორეელმა კანონმდებელმა, რიი ცეო ჰიმ განაცხადა, რომ ინფორმაცია მისი ქვეყნის თავდაცვის სამინისტროდან აქვს.
დოკუმენტები ასევე შეიცავს ცნობებს მოკავშირეების მთავარ სამხედრო მეთაურებზე.
გავრცელებულ ინფორმაციასთან დაკავშირებით სამხრეთ კორეის თავდაცვის სამინისტრომ ჯერჯერობით კომენტარის გაკეთებაზე უარი განაცხადა.
როგორც BBC იუწყება, გავრცელებული ცნობით, მოპარულია სამხრეთ კორეის სპეციალური ძალების, ქარხნების და სამხედრო ობიექტების შესახებ ინფორმაციები.
რიიმ განაცხადა, რომ დაახლოებით 235 გიგაბაიტი სამხედრო დოკუმენტებია მოპარული და მათგან 80%-ის იდენტიფიცირება ჯერ კიდევ მოსახდენია.
ჰაკერული თავდასხმა გასული წლის სექტემბერში განხორციელდა. მაისში, სამხრეთ კორეამ განაცხადა, რომ დიდი რაოდენობის მონაცემებია მოპარული და შესაძლოა ჩრდილოეთ კორეამ წააქეზა კიბერთავდასხმა, მაგრამ არ გაუმჟღავნებია დეტალები, თუ რა იყო წაღებული.
სამხრეთ კორეის სახელმწიფო სააგენტო „Yonhap“-ის ცნობით, სეული მისი კომუნისტური მეზობლის მხრიდან კიბერ თავდასხმებით დაბომბვის ობიექტი იყო ბოლო წლებში და ფხენიანის სამიზნე სამთავრობო ვებგვერდები იყო.
როგორც მიიჩნევენ, იზოლირებულ კომუნისტურ სახელმწიფოს სპეციალურად გაწვრთნილი ჰაკერები საზღვარგარეთ, მათ შორის ჩინეთში ჰყავს.
ჩრდილოეთ კორეამ ბრალი დასდო სეულს ბრალდებების „ფაბრიკაციაში“.
როგორც BBC წერს, ახალი ამბის გავრცელება, რომ ფხენიანს სავარაუდოდ სეულისა და ვაშინგტონის ომის გეგმების შესახებ დოკუმენტაციაზე მიუწვდა ხელი, არავითარ გავლენას არ მოახდენს შეერთებულ შტატებსა და ჩრდილოეთ კორეას შორის არსებული დაძაბულობის ჩაცხრობაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.