პარტია „ქართული ოცნება - დემოკრატიული საქართველოს“ ხარაგაულის მერობის კანდიდატი ნიკოლოზ თოფურიძე საარჩევნო კამპანიის ფარგლებში, მოსახლეობასთან შეხვედრებს განაგრძობს. მორიგი შეხვედრა კანდიდატმა ვარძიის ამომრჩეველთან გამართა.
როგორც GUARDIAN.GE-ს პარტიიდან აცნობეს, ნიკოლოზ თოფურიძემ და ბაღდათი-ხარაგაულის მაჟორიტარმა დეპუტატმა კობა ლურსმანაშვილმა ვარძიის თემიდან მოსახლეობას მაჟორიტარი დეპუტატობის კანდიდატი გივი ხიჯიკაძე წარუდგინეს.
„ჩვენ შემუშავებული გვაქვს ოთხწლიანი გეგმა. პირველ რიგში, ვიცით, რას აპირებს სახელმწიფო რეგიონებისთვის, ადგილობრივი თვითმმართველობის გაძლიერებისთვის. გზების მშენებლობა დაწყებულია და გაგრძელდება. აქტიურად ვმუშაობთ სასმელი წყლის პრობლემის მოწესრიგებაზე, როგორც დაბაში, ასევე სოფლებში. მიმდინარეობს გაზიფიცირების პროექტი და გაგრძელდება საბავშვო ბაღების მშენებლობა. სახელმწიფოს მიერ შემუშავდება არაერთი პროგრამა მცირე ბიზნესის ხელშეწყობისა და სოფლის მეურნეობის განვითარების კუთხით“, - აღნიშნა შეხვედრაზე ნიკოლოზ თოფურიძემ.
მერობის კანდიდატის თქმით, „ქართული ოცნების“ სახით, საქართველოს ჰყავს ხელისუფლება, რომელიც რეგიონებზე ზრუნავს და ხალხისთვის სარგებელს მუდმივად ეძებს.
„ჩვენ ერთად უნდა ვიპოვოთ გამოსავალი, როგორ ვიგრძნოთ უმოკლეს დროში ის სიკეთეეები, რაც მმართველი გუნდის პრიორიტეტია. ჩვენი თხოვნაა, მხარი დაუჭიროთ გუნდს, რომელიც დღეს, საქართველოს პოლიტიკურ სივრცეში უალტერნატივოა“, - განაცხადა მერობის კანდიდატმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.