საქართველოს პრემიერ მინისტრი გიორგი კვირიკაშვილი ბათუმში, თავდაცვისა და უსაფრთხოების კონფერენციის ფარგლებში, ევროკავშირის საგარეო ქმედებათა ევროპული სამსახურის გენერალური მდივნის მოადგილეს შეხვდა.
პრჟან-კრისტოფ ბელიარდი საქართველოში, უსაფრთხოების საკითხებზე საქართველო-ევროკავშირს შორის სტრატეგიული დიალოგის დაწყებასთან დაკავშირებით იმყოფება.
პრემიერ მინისტრის პრესსამსახურის ცნობით, შეხვედრისას, უმნიშვნელოვანეს მიღწევად შეფასდა სტრატეგიული დიალოგის ფორმატის ამოქმედება, რაც საქართველოს ევროკავშირის უსაფრთხოებისა და თავდაცვის სისტემასთან მაქსიმალური თავსებადობისკენ იქნება მიმართული.
მათივე ინფორმაციით, მხარეებმა ხაზი გაუსვეს საერთაშორისო თანამეგობრობის წინაშე არსებული გამოწვევის ფონზე მჭიდრო თანამშრომლობის მნიშვნელობას და ისაუბრეს საქართველოს მნიშვნელოვან როლზე ევროპის უსაფრთხოების არქიტექტურაში და მის გარეთ. ასევე, საქართველოს წინაშე მდგარი გამოწვევების შესახებ, რომელიც პირველ რიგში უკავშირდება რუსეთთან კონფლიქტს და ევროკავშირის როლს კონფლიქტის მშვიდობიანი დარეგულირების პროცესში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.