პრეზიდენტის ადმინისტრაცია საქართველოს მოქალაქეობის მინიჭების საკითხთან დაკავშირებით იუსტიციის მინისტრის განცხადებას ეხმაურება
12-10-2017, 15:47

შრიფტის ზომა: [ A+ ] / [ A- ]

 

საქართველოს პრეზიდენტის ადმინისტრაციის უფროსი საქართველოს მოქალაქობის მინიჭების საკითხთან დაკავშირებით იუსტიციის მინისტრის მიერ გაკეთებულ განცხადებას ეხმაურება.

 

 

გიორგი აბაშიშვილი აცხადებს, რომ მოქალაქეობის მინიჭების მეტი საჯაროობისკენ გადადგმულმა ნაბიჯებმა ცალკეულ პიროვნებებს მნიშვნელოვანი დისკომფორტი შეუქმნა.

 

 

„მიმდინარე წლის 1-ელ სექტემბერს დავაფიქსირე საქართველოს პრეზიდენტის ინიციტივა, რომ გაზრდილი მოთხოვნიდან და იმ პასუხისმგებლობიდან გამომდინარე, რაც დაკავშირებული იყო ევროკავშირთან უვიზო რეჟიმთან, დახვეწილიყო მიდგომები საგამონაკლისო წესით მოქალაქეობის მინიჭების საკითხზე. პრეზიდენტს მიაჩნდა და მიაჩნია, რომ საგამონაკლისო წესით მოქალაქეობის მინიჭება უნდა ხდებოდეს უპრეცედენტოდ გამჭვირვალედ და მასში ჩართული უნდა იყვნენ საზოგადოების წარმომადგენლები. თვეზე მეტი პერიოდის განმავლობაში მიმდინარეობდა ინტენსიური კონსულტაციები აღნიშნული საკითხის მოწესრიგებასთან დაკავშირებით შესაბამის სახელმწიფო უწყებებთან, მათ შორის იუსტიციის სამინისტროსთან. დღეს გამოჩნდა, რომ მეტი საჯაროოებისკენ გადადგმულმა ნაბიჯებმა ცალკეულ პიროვნებებს მნიშვნელოვანი დისკომფორტი შეუქმნა. მაშინ როცა პროცესი დასრულებისკენ მიდიოდა, ჩვენ მივიღეთ წერილი საქართველოს იუსტიციის სამინისტროსგან, სადაც საუბარია, რომ საჯაროობისკენ გადადგმული ნაბიჯებით, საქართველოს პრეზიდენტი, ვციტირებ: „უხეშად არღვევს კანონს" და ამის შემდგომ, კვალავ ვციტირებ: „მოკლებული იქნება ყოველგვარ შესაძლებლობას, გავლენა იქონიოს გადაწყვეტილებებზე"(რაც დაკავშირებულია მოქალაქეობის მინიჭებასთან). საუბარია იმ გადაწყვეტილებებზე, რომელიც არის საქართველოს პრეზიდენტის კონსტიტუციური უფლება. თავის მხრივ, დღეს, საქართველოს იუსტიციის მინისტრმა გამართულ ბრიფინგზე ეს ყველაფერი გადათარგმნა ასე ვთქვათ და გააჟღერა პრეზიდენტის პოლიტიკურ კრიტიკაში.... სრული პასუხისმგებლობით ვაცხადებ, რომ პრეზიდენტის 1-ლი სექტემბრის ინიციატივის თანახმად, საგამონაკლისო წესით მოქალაქეობის მინიჭების პროცესი აუცილებლად გახდება უპრეცედენტოდ გამჭვირვალე, მასში აუცილებლად ჩაერთვებიან საზოგადოების წარმომადგენლები, შესაბამისად, აღნიშნული საკითხი უახლოეს დღეებში ასახული იქნება შესაბამის სამართლებრივ აქტში“, განაცხადა აბაშიშვილმა.

 

 

იუსტიციის მინისტრმა მოქალაქეობის საკითხთა კომისიის 5-წლიანი საქმიანობა შეაჯამა. თეა წულუკიანის ინფორმაციით, ბოლო 5 წლის განმავლობაში საქართველოს მოქალაქეობის მიღების მოთხოვნით სამინისტროს 30 000-ზე მეტმა ადამიანმა მიმართა, საიდანაც 23 000 პირის შემთხვეაში უწყებამ დადებითი რეკომენდაცია გასცა.

 

 

მინისტრის განცხადებით, პრეზიდენტი ბოლო კვირების განმავლობაში გადაგზავნილ განაცხადებს ხელს აღარ აწერს. მოქალაქეობის მაძიებლების დიდი ნაწილი საქართველოდან ემიგრაციაში წასული პირები არიან.

 

 

„ორმა სხვადასხვა პრეზიდენტმა 2013 წლიდან დღემდე სხვადასხვა ტიპის გადაწყვეტილებები მიიღო ჩვენ მიერ გაგზავნილ დადებით რეკომენდაციებზე და გამოიცა მინიჭების შესახებ დასკვნები, თუმცა იყო შემთხვევები, განსაკუთრებით წელს და ბოლო კვირებში, როდესაც საქართველოს პრეზიდენტი ჩვენ მიერ გამოცემულ დადებით დასკვნებს უარყოფს და აღარ ანიჭებს ზოგიერთ ჩვენს ქვეყანაში დაბადებულ ადამიანს საქართველოს მოქალაქეობას. ახალი კრიტერიუმები ჩვენთვის უცნობი რჩება",  განაცხადა თეა წულუკიანმა. 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ტელეწამყვანმა ქსენია სობჩაკმა განაცხადა, რომ 2018 წლის რუსეთის საპრეზიდენტო არჩევნებში იყრის კენჭს.

ყველაზე კითხვადი
  1. პოროშენკოს პარტიამ სააკაშვილს „მასშტაბურ დესტაბილიზაციასა“ და უკრაინის ხელისუფლების ნებისმიერ ფასად მიტაცების მცდელობაში დასდო ბრალი
  2. ლიკა ქავჟარაძის სამოქალაქო პანაშვიდზე ბიძინა ივანიშვილი მივიდა
  3. ნიკა რურუას თქმით, ერთ-ერთი არჩევნების წინ სააკაშვილის კაბინეტში მისულმა ივანიშვილმა პრეზიდენტს უთხრა: ‘რას ნერვიულობ მიშა, აიღე და დაწერე რა ციფრიც გინდა შენ, ეს დემოკრატია ხომ სისულელეა, თამაშია’
  4. ათეულობით ადამიანია გარდაცვლილი პორტუგალიასა და ესპანეთში გაჩენილი ტყის ხანძრების შედეგად
  5. სულ მცირე 230 ადამიანია მოკლული და ასეულობით დაჭრილი სომალის დედაქალაქში მომხდარი მძლავრი აფეთქების შედეგად
  6. სერგეი ლავროვმა აშშ-ის სახელმწიფო მდივანს უთხრა, რომ „მიტაცებული“ დიპლომატიური ობიექტებიდან რუსეთის სახელმწიფო დროშების ჩამოხსნა მიუღებელია
  7. ზაალ უდუმაშვილი: „აქ ათიათასობით ადამიანი დგას... ჩვენი მთავარი მიზანია ივანიშვილს ჩამოვართვათ ის ავტოფარეხი, რომელიც მას საკრებულომ დაუკანონა“
  8. პრეზიდენტი ტრამპი თავს დაესხა ირანს, როგორც „ფანატიკურ რეჟიმს“, თუმცა ბირთვული შეთანხმებიდან გამოსვლის საკითხზე კონსულტაციებს მოკავშირეებთან გამართავს
  9. ტელეწამყვანმა ქსენია სობჩაკმა განაცხადა, რომ 2018 წლის რუსეთის საპრეზიდენტო არჩევნებში იყრის კენჭს
  10. 73 ვერტმფრენი, 30 თვითმფრინავი და 8 000 მეხანძრე ებრძვის „კატასტროფულ“ ხანძარს კალიფორნიაში, რომელმაც სულ მცირე 31 ადამიანის სიცოცხლე იმსხვერპლა
ბოლო სიახლეები
ამინდის პროგნოზი
ვალუტის კურსი