„ქართული ოცნება - დემოკრატიული საქართველოს“ ხულოს მერობის კანდიდატი გოჩა მელაძე, საკრებულოს დეპუტატობის კანდიდატებთან ერთად, მოსახლეობასთან შეხვედრებს განაგრძობს.
როგორც GUARDIAN.GE-ს პარტიიდან აცნობეს, სოფელ გორგაძეებში საუბარი შეეხო შიდა საუბნო გზების ინფრასტრუქტურის მოწესრიგების საკითხებს. სოფელ თაგოში გოჩა მელაძემ აქცენტი ტურიზმის განვითარებაზე გააკეთა.
კანდიდატმა ამომრჩეველთან ბოლო წლებში მუნიციპალიტეტში განხორციელებული პროექტები შეაჯამა და მომავალი ოთხი წლის გეგმებზეც ისაუბრა.
„ჩვენს მუნიციპალიტეტში ძალიან მნიშვნელოვანია ტურიზმის განვითარება. როგორც ვიცით, თაგოს საბაგირო გზა, სიმაღლის და სიგრძის პარამეტრების მიხედვით, მეორე ადგილზეა ევროპაში და ერთ-ერთი საინტერესო ობიექტია ტურისტებისთვის. ამდენად, მისი ინფრასტრუქტურის გამართვა ძალიან მნიშვნელოვანია. ამ მიმართულებით ჩვენ გასულ წლებში მნიშვნელოვანი ღონისძიებები გავატარეთ და მომავალშიც ბევრი რამის გაკეთებაა დაგეგმილი. ეს ყველაფერი კი, თავის მხრივ, ხელს შეუწყობს როგორც თაგოში, ისე მთლიანად მუნიციპალიტეტში საოჯახო ტურიზმის განვითარებას“, - განაცხადა გოჩა მელაძემ მოსახლეობასთან შეხვედრისას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.