ესპანეთი კატალონიისთვის ავტონომიის შეჩერების პროცესის დაწყებას შაბათს გეგმავს. მთავრობამ განაცხადა, რომ დღის წესრიგში დადგება კონსტიტუციის 155-ე მუხლის ამოქედების საჭიროება, რაც რეგიონზე, სადაც 1-ელ ოქტომბერს დამოუკიდებლობის რეფერენდუმი გაიმართა, მადრიდის პირდაპირი მმართველობის დაწესებას ითვალისწინებს.
როგორც BBC იუწყება, შიშობენ, რომ ესპანეთის ცენტრალური ხელისუფლების აღნიშნული ნაბიჯი არეულობების გამომწვევი იქნება.
„ესპანეთის მთავრობა განაგრძობს კონსტიტუციის 155-ე მუხლით განსაზღვრული პროცედურების განხორციელებას, რათა აღადგინოს კატალონიის თვითმმართველობის კანონიერება“, ნათქვამია მთავრობის განცხადებაში.
განცხადებაში ასევე ხაზგასმულია, რომ „მთავრობა გმობს კატალონიის მთავრობის გადაწყვეტილებების მიმღები პირების ინსტიტუციონალური კონფრონტაციის მცდელობას“.
„არავინ ეჭვობს, რომ ესპანეთის მთავრობა ყველაფერს გააკეთებს, რისი გაკეთებაც კი არის შესაძლებელი, რათა აღადგინოს კონსტიტუციური წესრიგი“.
ესპანეთის 1978 წლის კონსტიტუციის 155-ე მუხლი ნებას რთავს მადრიდს, კრიზისის დროს პირდაპირი მმართველობა დააწესოს, მაგრამ მანამდე ის არასდროს ამოქმედებულა.
რამდენიმე დღის წინ ესპანეთის სასამართლომ კატალონიის დამოუკიდებლობის მოძრაობის ორ მთავარ წარმომადგენელს, ჯორდი სანჩესს, რომელიც რეგიონული ეროვნული ასამბლეის ხელმძღვანელია და ჯორდი კუიხარტს წინასწარი პატიმრობა მიუსაჯა. მათზე გამოძიება ამბოხებისკენ მოწოდების ბრალდებით მიმდინარეობს.
აღნიშნული ორი პირი მთავარ ორგანიზატორად არის მიჩნეული 1-ლი ოქტომბრის დამოუკიდებლობის რეფერენდუმისა, რომელსაც ესპანეთის მთავრობა უკანონოდ აცხადებს და რომლის გამართვის აკრძალვის შესახებ გადაწყვეტილება ესპანეთის საკონსტიტუციო სასამართლომ გამოიტანა.
რეფერენდუმიდან მე-9 დღეს კატალონიის ლიდერმა, კარლეს პუჩდემონმა დამოუკიდებლობის დეკლარაციას მოაწერა ხელი, მაგრამ მისი განხორციელება მადრიდთან შუამავლის მეშვეობით მოლაპარაკებების გამართვის მიზნით, ორი თვით შეაჩერა.
ოფიციალური მადრიდი მოლაპარაკებებს არ დათანხმდა და მოუწოდა კატალონიას გაეუქმებინა დეკლარაცია, წინააღმდეგ შემთხვევაში რეგიონზე პირდაპირი წესით მმართველობის დაწესებით იმუქრებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.