მარნეულის მუნიციპალიტეტის სოფელ ყიზილაჯლოში მომხდარ ინციდენტს მედიის წარმომადგენელთან საუბრისას იუსტიციის მინისტრი თეა წულუკიანი გამოეხმაურა.
მინისტრი პოლიტიკურ ანგარიშსწორებას გამორიცხავს და საზოგადოებასა და პოლიტიკურ ძალებს ურჩევს, გამოძიების შედეგებს დაელოდონ.
„არავითარ შემთხვევაში არ შეიძლება ამ ეტაპზე რაიმე ტიპის ვერსიებზე საუბარი, მიმდინარეობს გამოძიება. ვერავითარი პოლიტიზირება ამ საკითხისა ვერ მოხდება, მარტო იქიდან გამომდინარე, რომ სტატუსი ჰქონდა და აქვს ერთ-ერთ დაჭრილ პირს კანდიდატისა. ჩვენ ვფიქრობთ, რომ ყოველგვარი არჩევნებთან დაკავშირების და პოლიტიკასთან დაკავშირების გარეშე უნდა დავაკვირდეთ და დაველოდოთ გამოძიების შედეგებს. რაც შეეხება ქვემო ქართლს და სხვა იმ რეგიონებს, სადაც შეიძლება იყოს ნიშნები გარკვეული დაძაბულობისა, რა თქმა უნდა, იქ როგორც წინა არჩევნებზე, შესაბამისი სტრუქტურები ფლობენ ინფორმაციასაც, სიტუაციასაც და გეგმას პრევენციისა", განაცხადა თეა წულუკიანმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.