ე.წ. მატროსოვის ციხეში, ე.წ. ციანიდის საქმეზე მსჯავრდებული დეკანოზის მოსანახულებლად, ბათუმისა და ლაზეთის მიტროპოლიტი მეუფე დიმიტრი იმყოფებოდა.
როგორც მან სასჯელაღსრულების დაწესებულების დატოვების შემდეგ ჟურნალისტებთან საუბრისასა აღნიშნა, პატრიარქის დაცვის ყოფილი უფროსი სოსო ოხანაშვილი მისი ჩვენების გასაჯაროვებასთან რაიმე სახით კავშირს უარყოფს.
„ოხ, ეს ოხანაშვილი, თავსატეხად მექცა მისი სიძეობა. ის არის ზრდასრული ადამიანი, დამოუკიდებელი, თვითნება, თვითმარქვია. ვინც გვიცნობს და იცის ჩვენი ურთიერთობა, ხშირად გვქონია არასასიამოვნო საუბრები მის უხეშობაზე ადამიანებთან მიმართებაში, ეს მღვდელმთავარი იყო თუ სასულიერო პირები, სახალხოდაც, რაზეც მეუბნებოდა, სამსახური მაქვს ასეთიო....
მე მას ვესაუბრე სასამართლოზე მიცემული ჩვენების შესახებ. მან თქვა, რომ ვერ გავავრცელებდი, რადგან ვარ უცხოეთში და მოსთხოვეთ მათ, ვინც სასამართლოდან გამოიტანა ჩემი ჩვენება. ის ამბობს, რომ მე სასამართლოზე კითხვა დამისვეს და პასუხი გავეცი და ეს გამოააშკარავეს", განაცხადა მეუფე დიმიტრი ე.წ. მატროსოვის ციხის დატოვების შემდეგ, სადაც მასთან ერთად, დეკანოზი რევაზ სიხარულიძეც იმყოფებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.