სასამართლოს ოფიციალური პირის განცხადებით, შეერთებული შტატების ყოფილი პრეზიდენტი, ბარაქ ობამა ილინოისის შტატში ნაფიც მსაჯულად გამოიძახეს და იგი მისვლას აპირებს.
დეტალები ჯერჯერობით უცნობია, თუმცა, როგორც ვარაუდობენ, ყოფილი პრეზიდენტი ქუქის ოლქში მომავალ თვეში ჩავა.
BBC-ს ცნობით, 56 წლის ბარაქ ობამა ვაშინგტონსა და ჩიკაგოში ფლობს საცხოვრებელ სახლებს, და შესაძლოა ნაფიც მსაჯულად გამოძახების მიზეზი კრიმინალური ან
სამოქალაქო დანაშაული იყოს.
ყოფილი პრეზიდენტები, ბილ კლინტონი და ჯორჯ დაბლიუ ბუში, ასევე გამოიძახეს ნაფიც მსაჯულად თეთრი სახლის დატოვების შემდეგ.
ბარაქ ობამა ჰარვარდის იურიდიულ სკოლაში სწავლობდა და 12 წლის განმავლობაში ჩიკაგოს იურიდიულ სკოლაში ლექციებს კითხულობდა. იგი ასევე სამოქალაქო სამართლის სპეციალისტად მუშაობდა.
ქუქის ოლქის მოსამართლემ, ტიმოთი ევანსმა განაცხადა: „ობამას წარმომადგენელმა დამარწმუნა, რომ ყოფილი პრეზიდენტი თავის მოქალაქეობრივ ვალს შეასრულებდა“.
ოლქის ნაფიცი მსაჯულები დღეში 17.25 დოლარს გამოიმუშავებენ.
ქუქის ოლქში ამ შემთხვევამდეც იყო ნაფიც მსაჯულად მაღალ რანგის წარმომადგენელი პირი - 2004 წელს ოპრა უინფრი მკვლელობის საქმეზე ასრულებდა ნაფიცი მსაჯულის მოვალეობას, განაცხადა NPR-მა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.