სახელმწიფო დუმაში რუსეთში მოქმედი ამერიკული მასობრივი ინფორმაციის საშუალებებისადმი სარკისებური ზომების მიღების საკითხს განიხილავენ, რაც აშშ-ში რუსი ჟურნალისტების მიმართ ზეწოლის საპასუხო იქნება, განუცხადა ახალი ამბების სააგენტო „რია ნოვოსტის“ რუსეთის პარლამენტის საინფორმაციო პოლიტიკის კომიტეტის წევრმა, ანტონ გორელკინმა.

„თუკი ჩვენ განვიხილავთ სარკისებურ ზომებს, მაშინ მე რა თქმა უნდა, ასეთ მედია საშუალებად CNN-ს გამოვყოფდი, რომელიც რუსეთში საზღვარგარეთის აგენტები არიან, და ამის მსგავს ორგანიზაციებს არასასურველთა სიაში შევიყვანდი, და ეს იქნებოდა საპასუხო ზომები“, განაცხადა გორელკინმა სააგენტოსთან საუბრისას და დაამატა, რომ დეპუტატები ამ საკითხს აუცილებლად განიხილავენ.

ამავე დროს დეპუტატმა აღნიშნა, რომ CNN-ის რუსულ აუდიტორიაზე ზემოქმედება არ შეედრება RT (რაშა თუდეის) გავლენას ამერიკელ მაყურებლებზე.

„მე ვფიქრობ, რომ RT ძალიან ეფექტურად მუშაობს. ეს ერთ-ერთი ის რესურსთაგანია, რომელიც ფაქტობრივად, დასავლურ სამყაროს ალტერნატიული აზრით უზრუნველყოფს, რაც განსხვავდება იმ კლიშეებისაგან, რომლის აპელირებასაც მიჩვეული არიან ტრადიციული დასავლური მედია საშუალებები. RT ძალიან პროფესიულად, ეფექტურად მუშაობს და მათ სტაბილური აუდიტორია ჰყავთ საზღვარგარეთ... CNN-ის გავლენა რუსეთში ვერ შეედრება RT-ის გავლენას იქ. ვინ უყურებს მას აქ? საელჩოების თანამშრომლები, და გულშემატკივრები და ინდუსტრიის პროფესიონალები - ფაქტობრივად, ესაა CNN-ის მთელი აუდიტორია (რუსეთში)“, განმარტა დეპუტატმა.