საქართველოს პრემიერ მინისტრი გიორგი კვირიკაშვილი რუმინეთის ბიზნესგარემოს, კომერციისა და მეწარმეობის მინისტრს, ჰარი ილან ლაუფერს შეხვდა.
პრემიერ მინისტრის პრესსამსახურის ცნობით, საუბარი შეეხო სხვადასხვა მიმართულებით ორი ქვეყნის თანამშრომლობას, რომელიც აქტიურად ვითარდება, ასევე - საქართველოში არსებულ საინვესტიციო გარემოს, მიმდინარე რეფორმებს და მაკროეკონომიკურ მაჩვენებლებს.
პრემიერ მინისტრმა რუმინეთის ბიზნესგარემოს, კომერციისა და მეწარმეობის მინისტრს მიაწოდა ინფორმაცია საქართველოს ეკონომიკაში არსებული პოზიტიური ტენდენციების, ტურისტების რიცხვის მზარდი დინამიკისა და მთის კურორტების პოტენციალის შესახებ.
ჰარი ილან ლაუფერმა გამოთქვა სურვილი, საქართველოში არსებული საინვესტიციო გარემო რუმინელ ინვესტორებს გააცნოს. მხარეებმა განიხილეს 2018 წელს რუმინეთსა და საქართველოში ერთობლივი ბიზნესფორუმების გამართვისა და ორ ქვეყანას შორის პირდაპირი ავიარეისების დანიშვნის პერსპექტივა, ასევე - ტურიზმისა და ტექნოლოგიების სფეროში გამოცდილების ურთიერთგაზიარების შესაძლებლობები.
ხაზი გაესვა საქართველოს, როგორც ევროპისა და აზიის დამაკავშირებელი უმნიშვნელოვანესი დერეფნის როლსა და ანაკლიის პორტის პროექტის მნიშვნელობას. მხარეებმა საქართველოსა და რუმინეთის პორტების დამაკავშირებელი პროექტების განხორციელების პერსპექტივაზეც ისაუბრეს.
რუმინეთის ბიზნესგარემოს, კომერციისა და მეწარმეობის მინისტრმა საქართველოს ტერიტორიული მთლიანობისა დაა სუვერენიტეტის, ასევე ქვეყნის ევროპული ინტეგრაციისადმი მტკიცე მხარდაჭერა დაადასტურა დაა გიორგი კვირიკაშვილს რუმინეთის პრემიერ მინისტრის მოკითხვა გადასცა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.