ვლადიმერ პუტინს კიმ ჩენ ინის წერილი გადასცეს, სადაც ფხენიანი აშშ-ზე ბირთვული თავდასხმის მზადყოფნას გამოხატავდა
11-11-2017, 20:43

შრიფტის ზომა: [ A+ ] / [ A- ]

 

ფხენიანი მზად იყო შეერთებულ შტატებზე ბირთვული დარტყმა განეხორციელებინა, ნათქვამია წერილში, რომელიც ჩრდილოეთ კორეიდან პრეზიდენტ ვლადიმერ პუტინს გადასცეს, უამბო „რია ნოვოსტის“ წყარომ, რომელიც მდგომარეობას იცნობს.

 


„ეს წერილი ამერიკული მხარის ყურადღების ცენტრში მოექცა, რის შემდეგაც ვაშინგტონის პოზიცია კორეის სახალხო-დემოკრატიული რესპუბლიკის მიმართ შეიცვალა“, უთხრა წყარომ რუსულ სააგენტოს და დააზუსტა, რომ ჩრდილოეთ კორეის დელეგაციამ წერილი პუტინს ფედერაციის საბჭოს სპიკერის, ვალენტინა მატვიენკოს მეშვეობით საპარლამენტთაშორისო კავშირის ასამბლეის შეხვედრის ფარგლებში გადასცა. თავად მატვიენკოს თქმით, ფხენიანის წარმომადგენლებმა მას „აშშ-ის პრეზიდენტის, დონალდ ტრამპის გაეროში გამოსვლაზე კორეის სახალხო-დემოკრატიული რესპუბლიკის უზენაესი ლიდერის, კიმ ჩენ ინის ორიგინალური რეაქცია გადასცეს“.

 

 

ამერიკის შეერთებული შტატების პრეზიდენტმა, დონალდ ტრამპმა გაერო-ს გენერალურ ასამბლეაზე წარმოთქმულ სიტყვაში „სახიფათო ქვეყნებიდან“ მომდინარე საფრთხეებზე ისაუბრა და ასეთ ქვეყნებად ჩრდილოეთ კორეა და ირანი გამოყო.

 

 

მიმდინარე წლის სექტემბერში ნიუ იორკში საერთაშორისო ორგანიზაციაში წარმოთქმულ მის სადებიუტო სიტყვაში მან გამაფრთხილებლად განაცხადა, რომ ამერიკა გაანადგურებს ჩრდილოეთ კორეას, თუკი ის იძულებული გახდება დაიცვას თავისი თავი და მისი მოკავშირეები.

 


აზიური ტურნეს ფარგლებში, იაპონიაში, სამხრეთ კორეასა და ჩინეთში ვიზიტისას კი დონალდ ტრამპმა კიდევ ერთხელ მოუწოდა ჩინეთს და რუსეთს დახმარება გაუწიონ ჩრდილოეთ კორეის კრიზისის დაძლევაში.

 

 

7 ნოემბერს, სამხრეთ კორეაში მყოფმა დონალდ ტრამპმა დაჟინებით მოუწოდა ჩრდილოეთ კორეას „მიუჯდეს მოლაპარაკების მაგიდას“ იმის განსახილველად, რომ უარი თქვას მის ბირთვულ პროგრამაზე.

 

 

როგორც BBC წერს, წინანდელი ცეცხლოვანი რიტორიკისაგან განსხვავებით, ტრამპმა თქვა, რომ მას „ღმერთის იმედი აქვს“, რომ არ დასჭირდება შეერთებული შტატების სამხედრო ძალების ფხენიანის წინააღმდეგ გამოყენება.

 


„რია ნოვოსტის“ ცნობით კი, აზია-წყნარი ოკეანის ეკონომიკური თანამშრომლობის სამიტის შეჯამებისას, ვლადიმერ პუტინმა განაცხადა, რომ რუსეთმა და ჩინეთმა მხარეებს საგზაო რუკა შესთავაზეს, რომელიც ჩრდილოეთ კორეის პრობლემის დარეგულირებას უზრუნველყოფს. მოსკოვის და პეკინის პოზიციები ამ საკითხზე სავსებით თანხვედრაშია, ხოლო ვაშინგტონიდან, სეულიდან და ტოკიოდან საკითხის მოლაპარაკებების გზით გადაჭრის უალტერნატივობაზე ბოლო დროს საიმედო სიგნალები ისმის, აღნიშნა მან.

  

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ზიმბაბვეს მმართველმა, „ზანუ-PF“-ის პარტიამ რობერტ მუგაბე ლიდერობიდან გადააყენა და მის ნაცვლად ვიცე-პრეზიდენტობიდან დათხოვნილი ემერსონ მნანგაგვა დანიშნა. პარტიიდან იქნა გაძევებული ასევე პრეზიდენტის ცოლი, გრეის მუგაბე.

შეერთებული შტატების ბირთვული საკითხების მთავარმა ფიგურამ განაცხადა, რომ იგი ნებისმიერ „არაკანონიერ“ საპრეზიდენტო ბრძანებას, წამოწყებულ იქნეს ბირთვული თავდასხმა, წინააღმდეგობას გაუწევს.

ყველაზე კითხვადი
  1. საქართველოს 8000 წლის სოფელში არქეოლოგებმა მსოფლიოში ღვინის წარმოების ყველაზე ძველი ფაქტები აღმოაჩინეს - National Geographic-ი
  2. იაპონიაში მატარებლის დაგეგმილზე რამდენიმე წამით ადრე გამგზავრების გამო კომპანიამ ბოდიში მოიხადა
  3. გორის პოლიციამ დააკავა მამაკაცი, რომელმაც ყოფილ მეუღლეს არასრულწლოვანი შვილის თანდასწრებით, სიტყვიერი და ფიზიკური შეურაცხყოფა მიაყენა
  4. საბრძოლო წყალქვეშა გემი, რომლის ბორტზე ეკიპაჟის 44 წევრი იმყოფება, არგენტინის სანაპიროებთან გაუჩინარდა
  5. „გახარია თუ კარგად გაართმევს თავს შს მინისტრობას, ეს შეიძლება გახდეს მისთვის ტრამპლინი პრემიერ მინისტრობისთვის“ - თორნიკე შარაშენიძე
  6. შინაგან საქმეთა ახალმა მინისტრმა ახალი მოადგილეები დანიშნა
  7. კახა კალაძე: მოვითხოვ თითოეული სამსახურის მუშაობის გამჭვირვალობას და მაქსიმალურ კომუნიკაციას საზოგადოებასთან
  8. საქართველოს საზღვრის სიახლოვეს, აზერბაიჯანის ტერიტორიაზე მიწისძვრა მოხდა
  9. „ეს ბიბლიური წარღვნაა“ – სულ მცირე 14 ადამიანი დაიღუპა საბერძნეთში ძლიერი წვიმებით გამოწვეული წყალდიდობის შედეგად
  10. თბილისის მერის ინიციატივით, გმირთა მოედანზე არსებული მიწისქვეშა გადასასვლელის მოხატვა დაიწყო
ბოლო სიახლეები
ამინდის პროგნოზი
ვალუტის კურსი