სამთავრობო ცვლილებებს საქართველოს სტრატეგიული ანალიზის ცენტრის დამფუძნებელი თორნიკე შარაშენიძე ლოგიკურს უწოდებს.
შარაშენიძე მიიჩნევს, რომ იმ დაანონსებული ცვლილებებიდან, რომლის შესახებაც გუშინ პრემიერ მინისტრმა, გიორგი კვირიკაშვილმა ისაუბრა, საინტერესო და მნიშვნელოვანია, რამდენად კარგად გაართმევს თავს შინაგან საქმეთა მინისტრობას გიორგი გახარია, რადგან შარაშენიძის თქმით, კარგად მუშაობის შემთხვევაში, შს მინისტრობა გახარიასთვის, შესაძლოა, პრემიერ მინისტრობისთვის ტრამპლინი გახდეს.
„ოპტიმიზაცია რა თქმა უნდა, საჭირო იყო. ალბათ გასაუქმებელი იყო კიდევ მაგალითად, რეინტეგრაციის სამინისტროც. იმედი ვიქონიოთ, რომ განათლების მინისტრი იქნება უკეთესი, განათლების სამინისტრო საქართველოსთვის არის სტრატეგიულად მნიშვნელოვანი და მეორე სერიოზული მომენტია, გახარია რამდენად კარგად გაართმევს თავს შს მინისტრობას. ეს ძალიან საინტერესო იქნება. თუ კარგად იმუშავებს, ეს შეიძლება გახდეს მისთვის ტრამპლინი პრემიერ მინისტრობისთვის", განუცხადა შარაშენიძემ „რუსთავი 2"-ს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.