კულტურისა და ძეგლთა დაცვის სამინისტროსთვის სპორტისა და ახალგაზრდობის საქმეთა სამინისტროს სპორტის კომპონენტის დამატების შემდეგ, კულტურის მინისტრი მიხეილ გიორგაძე ფიქრობს, რომ შტატების შემცირება გარდაუვალია.
როგორც მან ჟურნალისტებთან საუბრისას აღნიშნა, შემცირება დიდწილად ადმინისტრაციულ ნაწილს შეეხება.
„ადამიანების რაოდენობის მხრივ ციფრებზე სასაუბროდ, მზად არ ვარ. ოპტიმალური როგორც სტრუქტურა, ისე საშტატო განრიგი უნდა ჩამოვაყალიბოთ. პირველ ხანებში, მოგვიწევს ორ შენობაში გადანაწილება, თუმცა, ოპტიმალური და იდეალური იქნებოდა, ერთ შენობაში განთავსება ელემენტარული კომუნიკაციისთვის, კარგი სამუშაო ატმოსფეროს შექმნისთვის.... ბიუჯეტი, რომელიც ადმინისტრაციულ ხარჯებზე იყო გამოყოფილი, ერთმნიშვნელოვნად შემცირდება. გარდაუვალია შტატების შემცირება და ეს შემცირება დიდწილად სწორედ ადმინისტრაციულ ნაწილზე მოვა", განაცხადა მიხეილ გიორგაძემ.
სპორტისა და ახალგაზრდობის საქმეთა სამინისტროს ახალგაზრდობის საქმეთა კომპონენტი განათლებისა და მეცნიერების სამინისტროს დაემატა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.