დიდ ბრიტანეთში საყოველთაო არჩევნები მიმდინარეობს. "ბიბისის" ცნობით, ქვეყნის მასშტაბით ადგილობრივი დროით დილის 07:00 საათზე 50 000-მდე საარჩევნო უბანი გაიხსნა.
ამომრჩეველმა დიდი ბრიტანეთის პარლამენტის 650 წევრი უნდა აირჩიოს. ამას გარდა, დღეს ინგლისის 279 ადგილობრივი საბჭოს 9 000-ზე მეტი წევრს და რამდენიმე ქალაქის - ბედფორდის, ლესტერის, მესფილდის, კოუპლენდის, მიდლზბროს და ტერბეის მერებს აირჩევენ. ეს იმას ნიშნავს, რომ ინგლისის მასშტაბით, ლონდონის გარდა, ამომრჩეველს ორი ბიულეტენის შევსება მოუწევს.
წინასწარი გამოკითხვების მიხედვით, ვერც ერთი პარტია ვერ მოიპოვებს პარლამენტში ადგილების უმრავლესობას. მიუხედავად ხუთკვირიანი აქტიური კამპანიისა, ვერც პრემიერ-მინისტრ დევიდ ქემერონის "კონსერვატიულმა პარტიამ" და ვერც ოპოზიციური "ლეიბორისტული პარტიის" ლიდერმა, ედ მილიბენდმა ვერ შეძლო წინასაარჩევნო გამოკითხებში წამყვანი პოზიციის დაკავება.
ექსპერტებსა და პოლიტიკოსებს პროგნოზების გაკეთება უჭირთ. პრემიერი ქემერონი მოსახლეობას ნათელი მომავლის შექმნას და ევროკავშირიდან გასვლის შესახებ რეფერენდუმის გამართვას ჰპირდება. "ლეიბორისტი" მილიბენდი კი პირობას დებს, რომ მისი გამარჯვების შემთხვევაში მთავრობა მხოლოდ ხალხისთვის იმუშავებს. არჩევნებში მონაწილეობას "ლიბერალ-დემოკრატი" ნიკ კლეგიც იღებს, რომელიც ბრიტანელ ხალხს სტაბილურობას ჰპირდება. საარჩევნო უბნები ადგილობრივი დროით 22:00 საათზე დაიხურება. წინასწარი შედეგები დღეს ღამე გახდება ცნობილი, საბოლოო შედეგებს კი ხვალ შუადღით გამოაცხადებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.