შუახევის მუნიციპალიტეტში მესამე დღეა ინტენსიურად თოვს. თოვლის საფარი დაბა შუახევში 30-40 სმ-ია, მაღალი ზონის სოფლებში კი, 90-120 სმ-ს აღწევს.
შუახევის მერიის პრესსამსახურის ცნობით, უამინდობამ ელექტროგადამცემი ხაზები დააზიანა, რის გამოც, მუნიციპალიტეტს ელექტროენერგია არ მიეწოდება.
მათივე ინფორმაციით, ელექტრომომარაგების შეწყვეტის გამო, არ მუშაობს ჭვანის, უჩამბის, ხიჭაურის, ბარათაულის, ჭალა-წყაროთის საბავშვო ბაგა-ბაღები. სწავლა შეჩერებულია ნაღვარევის, სხეფის და უჩამბის საჯარო სკოლებშიც.
„ბათუმი-ახალციხის საავტომობილო გზის შუახევის მონაკვეთზე ტრანსპორტის მოძრაობა არ შეფერხებულა. მუნიციპალიტეტის ადმინისტრაციულ ერთეულებთან დაკავშირება შესაძლებელია მაღალი გამავლობის, ორხიდიანი ტრანსპორტით მოცურების საწინააღმდეგო ჯაჭვებით. მაღალი ზონის სოფლებში ტრანსპორტი ვერ მოძრაობს. უმეტესი სოფლებიდან სამგზავრო ტრანსპორტი არ გამოსულა.
მოსახლეობა უზრუნველყოფილია სათბობით (შეშით), სურსათით, პირუტყვის საკვებით.
დილიდან გაიწმინდა დაბის ცენტრალური ქუჩები და ეზოები. ნებისმიერი ტრანსპორტი გადაადგილდება თავისუფლად. მზადყოფნაშია საგზაო ტექნიკა და მიმდინარეობს სხვადასხვა მიმართულებით გზების აღდგენის სამუშაოები", აცხადებენ შუახევის მერიაში, სადაც ამ წუთებში მერის, ფრიდონ ფუტკარაძის ხელმძღვანელობით, შტაბის საგანგებო სხდომა მიმდინარეობს, სადაც მუნიციპალიტეტში არსებულ მდგომარეობასა და განხორციელებულ ღონისძიებებს განიხილავენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.