რუსეთის შინაგან საქმეთა სამინისტრომ „როსნეფტის“ ერთ-ერთი შვილობილი კომპანიის ცენტრალური აპარატის ყოფილი თანამშრომლები 300 მილიონი რუბლის მითვისების ბრალდებით დააკავა, განუცხადა „რია ნოვოსტის“ უწყების წარმომადგენელმა, ირინა ვოლკმა.
მისი სიტყვებით, ბოროტმოქმედებმა დოკუმენტები გააყალბეს, რომლის შესაბამისადაც შვილობილ კომპანიას ორგანიზაციის მაკონტროლებელი ფიგურანტების წინაშე 3.2 მილიარდი რუბლის ოდენობის კრედიტორული ვალდებულება განესაზღვრა. ამის შემდეგ ყალბი ფირმის ანგარიშზე 300 მილიონ რუბლზე მეტი იქნა გადარიცხული, რომელიც დამნაშავეებმა გაანაღდეს და მიიტაცეს.
დაკავების ოპერაცია რუსეთის შსს-ს ეკონომიკური უსაფრთხოებისა და კორუფციასთან ბრძოლის მთავარი სამმართველოს თანამშრომლებმა მოსკოვის კორუფციასთან ბრძოლის სამმართველოსთან ერთად ჩაატარეს. მათ მოსკოვის რეგიონში, კრასნოიარსკის მხარეში, როსტოვისა და ტიუმენის ოლქებში 20 ჩხრეკა ჩაატარეს. ეჭვმიტანილები პატიმრობაში არიან აყვანილი. მათ განსაკუთრებით დიდი ოდენობით თანხების თაღლითური გზით დაუფლებაში ედებათ ბრალი. დანაშაულში თანამონაწილე პირების ძებნა გრძელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.