თეთრი სახლი სახელმწიფო მდივნის პოსტზე რექს ტილერსონის, ცენტრალური სადაზვერვო სააგენტოს დირექტორის მაიკ პომპეოთი ჩანაცვლების გეგმას განიხილავს, იტყობინება შეერთებული შტატების მედია.
როგორც BBC იუწყება, ტილერსონი საგარეო პოლიტიკის საკითხებთან დაკავშრებით, პრეზიდენტ ტრამპთან ბოლო პერიოდში დიდ წინააღმდეგობაში იმყოფება და მან გავრცელებული ინფორმაციით, კერძო საუბრებში ტრამპს „დებილი“ უწოდა.
მათ, სხვა საკითხებთან ერთად, განსხვავებული მიდგომები აქვთ ჩრდილოეთ კორეის სარაკეტო გამოცდებთან და ირანის ბირთვულ პროგრამასთან დაკავშირებით, წერს BBC.
„ნიუ იორკ თაიმსის“ ცნობით, პომპეოს შემცვლელად რესპუბლიკელი სენატორი ტომ კოტონი მოიაზრება და ცვლილებების განხორციელება დეკემბერ-იანვარში იგეგემება, თუმცა ჯერჯერობით უცნობია, მისცა თუ არა საბოლოო თანხმობა ტრამპმა აღნიშნულ ცვლილებებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.