დასავლური მედიის ცნობებით, შეერთებული შტატების სპეციალურმა პროკურორმა რობერტ მიულერმა გერმანიის „დოიჩე ბანკს“ დონალდ ტრამპის ანგარიშების მონაცემების მიწოდება მოსთხოვა, რაც, როგორც BBC წერს, იმის მაჩვენებელია, რომ ფედერალური საგამოძიებო ბიუროს ყოფილი დირექტორის გამოძიება პირდაპირ არის ფოკუსირებული შეერთებული შტატების პრეზიდენტზე.
მიულერი (ფოტოზე) ტრამპის საპრეზიდენტო კამპანიასა და რუსეთს შორის სავარაუდო საიდუმლო გარიგებას იძიებს.
„დოიჩე ბანკმა“ უწინ, მიმდინარე წლის ზაფხულში, „დემოკრატების“ მსგავსი თხოვნების შესრულებაზე უარი განაცხადა.
ახალი ამბების სააგენტო „როიტერსის“ და გერმანული გაზეთის, „ჰანდელსბლატის“ მიერ გავრცელებული ინფორმაციების თანახმად, მიულერმა გერმანიის უდიდეს ბანკს უწყება რამდენიმე კვირის წინ გაუგზავნა, სადაც იმ ტრანზაქციების მონაცემები მოითხოვა, რომელიც შეერთებული შტატების პრეზიდენტთან არის დაკავშირებული.
ამავე მედიასაშუალებების ცნობების მიხედვით, ამერიკელი გამომძიებლები, იმ გამოძიების ფარგლებში, რომელიც აშშ-ის საპრეზიდენტო არჩევნებში სავარაუდო რუსულ გავლენას ეხება, მოითხოვენ ინფორმაციას საქმიან ურთიერთობებზე, რომელიც ტრამპთან არის დაკავშირებული.
„დოიჩე ბანკმა“, რომელიც ტრამპის ორგანიზაციის ერთ-ერთი მთავარი კრედიტორია მისი უძრავი ქოენბის პროექტებში, განაცხადა, რომ ის მისი ნებისმიერი მომხმარებლის შესახებ კომენტარს არ გააკეთებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.