საქართველოს შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ პოლონეთის სპეციალური ოპერაციების ძალების მეთაურს, ბრიგადის გენერალს მარჩიკა ვოიჩეჩს უმასპინძლა. შეხვედრა შეიარაღებული ძალების გენერალურ შტაბში გაიმართა.
საუბრის დასაწყისში გენერალ-მაიორმა ვლადიმერ ჩაჩიბაიამ და ბრიგადის გენერალმა მარჩიკა ვოიჩეჩმა ქართული და პოლონური სპეციალური ოპერციების ძალების მჭიდრო თანამშრომლობას ხაზი გაუსვეს. გენერალური შტაბის უფროსმა პოლონეთის სპეცდანიშნულების მეთაურს ნატო-საქართველოს არსებითი პაკეტის (SNGP) განხორციელების პროცესში პოლონური მხარის მიერ შეტანილი წვლილისათვის მადლობა გადაუხადა. გენერლებმა ყურადღება ქართული და პოლონური სპეცდანიშნულების ქვედანაყოფების საერთაშორისო სამხედრო სწავლებებში ერთობლივ მონაწილეობაზეც გაამახვილეს. შეხვედრის ბოლოს მხარეებმა იმედი გამოთქვეს, რომ პარტნიორობა კიდევ უფრო გაღრმავდება და გაძლიერდება.
შეხვედრას საქართველოს შეიარაღებული ძალების გენერალური შტაბის უფროსის მოადგილე, ბრიგადის გენერალი ზაზა ჩხაიძე და სპეციალური ოპერაციების ძალების მეთაური, პოლკოვნიკი დიმიტრი კიკნაძე დაესწრნენ.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.