საპარლამენტო უმრავლესობის წევრი გიორგი ვოლსკი უკრაინაში განვითარებულ ბოლოდროინდელ მოვლენებს გამოეხმაურა. ვოლსკი მიიჩნევს, ქვეყანაში სიტუაციის დაძაბვა, პირველ რიგში, რუსეთის ინტერესებში შედის.
„რეალურად მოვიგონოთ რა ხდებოდა ბელორუსიაში, როგორ აწყობდნენ რევოლუციას უკრაინაში, შემდეგ რუსეთში, შემდეგ როგორ ჩაიწერეს რუსეთის პრეცსამსახურებმა ეს და ვინ გამოჩნდა დაზარალებული ამ პროცესებით. უკრაინაში ურთულესი მდგომარეობაა, მაგრამ რეალურად, ეს მდგომარეობაც ისევე, როგორც ამ მდგომარეობებით მოსარგებლე ავანტიურისტი სააკაშვილის ქმედებები რუსეთს აწყობს. ამას არც მალავს, გამოვიდა ლავროვი და თქვა, ძალიან ღიად დააფიქსირა, რომ უკრაინის, საქართველოსა და მოლდოვას საგარეო პოლიტიკა უპირისპირდება რუსეთის ინტერესებს და დაემთხვა ეს აქტივობები, რაც იქ ხდება", განაცხადა ვოლსკიმ.
მიხეილ სააკაშვილი კიევის ცენტრში გუშინ განვითარებული მოვლენების შემდეგ, უკრაინის შინაგან საქმეთა სამინისტროს ვებგვერდზე ძებნილთა სიაში შეიყვანეს. ჩანაწერი ბაზაში დღეს განთავსდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.