„ერთიანი ნაციონალური მოძრაობის“ წევრმა, დეპუტატმა რომან გოცირიძემ „ღირსების მანიფესტაციაზე“ სიტყვით გამოსვლისას სააკაშვილის მმართველობას „დიადი 9 წელიწადი“ უწოდა და თქვა, რომ დღევანდელი ხელისუფლების პირობებში საქართველო „ნელ-ნელა ემსგავსება პოსტშევარდნაძისტულ“ ქვეყანას, სადაც სააკაშვილის „დამარცხებული კრიმინალი“ ისევ ბრუნდება.
„რომ არა მიხეილ სააკაშვილი და ნაციონალური მოძრაობა, რა იქნებოდა საქართველო დღეს? იქნებოდა ერთი ჩვეულებრივი, კორუმპირებული, პოსტსაბჭოთა, პოსტშევარდნაძისტული ქვეყანა, რომელსაც ნელ-ნელა ემსგავსება დღეს საქართველო აი, ამ ხელისუფლების პირობებში. რომ არა ის 9-წლიანი, მართლაც რომ დიადი წელიწადი, რომელსაც ზოგიერთები უდიერად მოიხსენიებდნენ - არ იქნებოდა საქართველოში ის, რაც ჩვენ ვნახეთ და რასაც ჩვენ მივაღწიეთ. დამარცხებული კრიმინალი, რომელიც სამწუხაროდ ისევ ბრუნდება ქურდების სახით, აი ამ სკოლებში დანების ომის სახით. არ იქნებოდა საქართველო ისე დაცული. სამწუხაროდ, საზღვრები ისევ მოირღვა და ჩატაევის მსგავსი ტერორისტები თბილისში იბუდებენ და იარაღის უზარმაზარ არსენალს ქმნიან“, თქვა რომან გოცირიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.