ცრემლსადენი გაზი და წყლის ჭავლი გამოიყენეს ბეირუთში აშშ-ის საელჩოსთან შეკრებილი პროტესტანტების დასაშლელად
10-12-2017, 13:30

შრიფტის ზომა: [ A+ ] / [ A- ]

 

ლიბანის დედაქალაქ ბეირუთის ჩრდილოეთ ნაწილში შეერთებული შტატების საელჩოს სიახლოვეს, ტრამპის მიერ იერუსალიმის ისრაელის დედაქალაქად გამოცხადების გამო შეკრებილ პროტესტანტებსა და ლიბანის უსაფრთხოების ძალებს შორის შეხლა-შემოხლა მოხდა, რომლის დროსაც უსაფრთხოების ძალების წარმომადგენლებმა დემონსტრანტების დაშლის მიზნით ცრემლსადენი გაზი და წყლის ჭავლი გამოიყენეს, იუწყება BBC ამ წუთებში.

 

 

პროტესტანტებმა, ბეირუთის ჩრდილოეთ ნაწილში, ავკარის რაიონში მდებარე აშშ-ის საელჩოს სიახლოვეს, შენობის მიმართულებით ქვები ისროლეს და ქუჩაში ცეცხლი დაანთეს.

 


უსაფრთხოების ძალებმა საელჩოს დიდ კომპლექსთან დამაკავშირებელ მთავარ გზაზე ბარიკადები აღმართეს, რომ არ მისცენ საშუალება დემონსტრანტებს წინ წაიწიონ.

 

 

(ზოგიერთი პროტესტანტი აშშ-ის საელჩოში შეჭრას შეეცადა)

 


ტრამპის გადაწყვეტილების მიმართ პროტესტი სხვა ქვეყნებშიც გამოხატეს. ათასობით ადამიანი შეიკრიბა ინდონეზიის დედაქალაქ ჯაკარტაში აშშ-ის საელჩოსთან. დემონსტრანტების ნაწილი ბანერებს აფრიალებდა, რომელზეც ეწერა: „პალესტინა ჩვენ გულებშია“.

 


შაბათს, ცეცხლმოკიდებული საგანი იქნა ნასროლი სინაგოგისკენ შვედეთის ქალაქ გოტენბურგში, რაც პოლიციის ცნობით, ცეცხლის წაკიდების წარუმატებელი მცდელობა იყო. ებრაული საზოგადოების ლიდერმა, ალან სტუტზინსკიმ განაცხადა, რომ ბოლო მოვლენები „უფრო დიდი საფრთხეების“ შემცველია.

 

 

ამასობაში, არაბული სახელმწიფოების მაღალი რანგის ოფიციალური პირები აცხადებენ, რომ ტრამპის მიერ იერუსალიმის ისრაელის დედაქალაქად აღიარება ახლო აღმოსავლეთის „ძალადობასა და ქაოსში“ ჩაძირვის რისკებს შეიცავს.

 

 

BBC-ის ცნობით, არაბული ლიგის საგარეო საქმეთა მინისტრები ამბობენ, რომ აშშ-ის მიერ რეგიონის ერთ-ერთ ყველაზე მგრძნობიარე საკითხზე ნეიტრალიტეტის დასრულება ნიშნავს, რომ ამერიკის შეერთებული შტატები ვერ იქნება დასაყრდნობი შუამავალი ახლო აღმოსავლეთის სამშვიდობო პროცესში.

 


22 ქვეყნის, მათ შორის აშშ-ის ახლო მოკავშირეთა, ერთობლივი განცხადება დასავლეთ სანაპიროსა და ღაზას სექტორში სამდღიანი ძალადობისა და პროტესტის შემდეგ გაკეთდა.

 

 

ისრაელი იერუსალიმს ყოველთვის მის დედაქალაქად მიიჩნევდა, მაშინ როცა პალესტინელები აღმოსავლეთ იერუსალიმს, რომლის ოკუპაციაც ისრაელმა 1967 წლის ომის დროს მოახდინა, თავიანთი მომავალი პალესტინური სახელმწიფოს დედაქალაქად მოიაზრებენ.

 

 

ტრამპისთვის ამგვარი გადაწყვეტილება, მისი საარჩევნო კამპანიის დროს გაცემული დაპირების შესრულებაა და როგორც მან თქვა, ეს არის „არც მეტი, არც ნაკლები, რეალობის აღიარება“, მაგრამ მისი ეს ნაბიჯი სასტიკი კრიტიკის საგანი გახდა.

 

 

არაბული ლიგის რეზოლუცია ქაიროში, რამდენიმე საათიანი მოლაპარაკებების შემდეგ გამოქვეყნდა (ადგილობრივი დროით 03:00). მას მხარდაჭერა აშშ-ის რამდენიმე მოკავშირემ, მათ შორის არაბეთის გაერთიანებულმა ემირატებმა, საუდის არაბეთმა და იორდანიამ გამოუცხადა.

 

 

რეზოლუციაში წერია:

 

შეერთებულმა შტატებმა თავისი გადაწყვეტილებით „გამოთიშა თავისი თავი, როგორც სპონსორმა და შუამავალმა“ ისრაელ-პალესტინის ნებისმიერი შესაძლო სამშვიდობო პროცესიდან;

 

ტრამპის ნაბიჯი „აღრმავებს დაძაბულობას, აქეზებს რისხვას და საფრთხეს უქმნის რეგიონს ჩაეფლოს უფრო მეტ ძალადობასა და ქაოსში“;

 

გაკეთდება მოთხოვნა გაეროსადმი, რომ მისმა უშიშროების საბჭომ დაგმოს ეს გადაწყვეტილება.

 

პარასკევს, გაეროს უშიშროების საბჭოს საგანგებო სხდომაზე, შეერთებულმა შტატებმა თავისი თავი იზოლირებულ მდგომარეობაში აღმოაჩინა, რადგან საბჭოს სხვა 14-ივე წევრმა დაგმო ტრამპის გადაწყვეტილება, რამაც გაეროში აშშ-ის ელჩის, ნიკი ჰეილის საერთაშორისო ორგანიზაციისადმი კრიტიკა გამოიწვია, ბრალი დასდო რა მას მიკერძოებულობასა და „ისრაელის მიმართ მტრობაში“.

 

 

შაბათს, ისრაელის პრემიერ მინისტრმა, ბენიამინ ნეთანიაჰუმ განაცხადა, რომ მან მოისმინა „ტრამპის ისტორიული განცხადების მგმობელი გამოსვლები“, მაგრამ „არ მოუსმენია რაიმე დაგმობა იმ რაკეტების ისრაელის წინააღმდეგ გაშვების გამო, რაც საშინელი წაქეზება გახდა ჩვენ წინააღმდეგ“.

 

 

პარასკევს ღაზადან ისრაელის მიმართულებით სამი რაკეტა იქნა გაშვებული, რასაც ისრაელის მხრიდან საპასუხო საჰაერო დარტყმები მოჰყვა.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მას შემდეგ რაც სენატმა თანხმობა არ განაცხადა ახალი ბიუჯეტის მიღებაზე, შეერთებული შტატების მთავრობამ ფედერალურ დონეზე მუშაობა შეაჩერა.

ევროპის საბჭოს საპარლამენტო ასამბლეას ახალი პრეზიდენტი ჰყავს. ასამბლეის რიგით 31-ე პრეზიდენტი იტალიელი მიკელე ნიკოლეტი გახდა.

ყველაზე კითხვადი
  1. შეერთებული შტატების ფედერალური მთავრობა დაიხურა, რაც პირველი შემთხვევაა აშშ-ის ისტორიაში ისეთ პირობებში, როცა ერთი და იგივე პარტია აკონტროლებს კონგრესის ორივე პალატას და თეთრ სახლს
  2. კალიფორნიაში დააკავეს ცოლ-ქმარი - მათ 13 შვილი გამომწყვდეული, მათგან ზოგიერთი კი, ჯაჭვით დაბმული ჰყავდათ
  3. თბილისში, ბარათაშვილის ქუჩაზე მდებარე ერთ-ერთ საცხოვრებელ ბინაში ყაზახეთის ინტერპოლის მიერ ძებნილი პირი დააკავეს
  4. შეიარაღებულმა მამაკაცებმა ქაბულის სასტუმრო „ინტერკონტინენტალზე“ თავდასხმა წამოიწყეს
  5. ბათუმში, ოზურგეთში, ზუგდიდსა და გურჯაანში მერების და სხვა მაღალჩინოსნების ხელფასები 2018 წლიდან მნიშვნელოვნად გაიზარდა და მისი უზრუნველყოფა ბიუჯეტს ჯამში რამდენიმე მილიონი ლარით მეტი დაუჯდება
  6. ეროვნულმა ბანკმა ლარის ახალი ოფიციალური გაცვლითი კურსი დაადგინა
  7. ეროვნულმა ბანკმა ლარის ახალი ოფიციალური გაცვლითი კურსი დაადგინა
  8. ეროვნულმა ბანკმა ლარის ახალი ოფიციალური გაცვლითი კურსი დაადგინა
  9. თურქეთის განცხადებით, მისი სახმელეთო ჯარები ჩრდილოეთ სირიაში შევიდნენ, რათა გაათავისუფლონ საზღვრის მიმდებარე ტერიტორია ქურთი მებრძოლებისაგან
  10. დავით სერგეენკო: გაძლევთ პატიოსან სიტყვას, რომ ჩემი კანდიდატურა პრეზიდენტის პოსტზე არ განიხილება
ბოლო სიახლეები
ამინდის პროგნოზი
ვალუტის კურსი