საქართველოს თავდაცვის მინისტრი ლევან იზორია ტანკსაწინააღმდეგო სარაკეტო კომპლექს „ჯაველინთან“ დაკავშირებით, რუსეთის საგარეო საქმეთა სამინისტროს მიერ გაკეთებულ განცხადებას ეხმაურება და აცხადებს, რომ ყველა ტიპის შეიარაღება, რომელიც საქართველომ შეიძინა ან მომავალში შეიძენს, თვდაცვითი ხასიათის იარაღები იქნება.
„ანტისატანკო სისტემა „ჯაველინები“ არ არის შეტევითი ხასიათის შეიარაღება. ის არც ერთი ქვეყნის წინააღმდეგ არ არის მიმართული და მისი ერთადერთი მიზანია, ჩვენი ქვეყნის სუვერენიტეტის დაცვა. ყველა ტიპის შეიარაღება, რომელიც შევიძინეთ ან მომავალში შევიძენთ, იქნება მხოლოდ ამ ტიპის იარაღები, თავდაცვითი ხასიათის იარაღები. ეს გაცხადებულია საჯაროდ თავდაცვის მინისტრის მიერ, ეს გაწერილია შესაბამის სტრატეგიებშიც, რომ ჩვენი პრიორიტეტი იქნება სწორედ თავდაცვითი შეიარაღების შესყიდვა, რომლის ერთ-ერთი კომპონენტი გახლავთ ანტისატანკო სისტემა ჯაველინების სახით“, განაცხადა ლევან იზორიამ მედიის წარმომადგენლებთან საუბრისას.
რუსეთის საგარეო უწყებაში აცხადებენ, რომ 2008 წლის შემდეგ, ქართული მხარისთვის „ჯაველინის“ გადაცემა აშშ-სა და საქართველოს ყველაზე მსხვილი სამხედრო გარიგებაა, რამაც შესაძლოა, საქართველოს ახალი და სახიფათო ავანტიურებისკენ უბიძგოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.