პაკისტანის ეკლესიაზე თვითმკვლელი ტერორისტების მიერ შეიარაღებული თავდასხმის შედეგად სულ მცირე 5 ადამიანი დაიღუპა, ჭრილობები აქვს მიღებული ათეულობით სხვას. თავდასხმა ქალაქ ქუეტაში, ავღანეთის საზღვრიდან დაახლოებით 65 კილომეტრში განხორციელდა.
შეიარაღებული მამაკაცები, რომლებიც ასაფეთქებელ ქამრებს ატარებდნენ, შენობაში შესვლას ცდილობდნენ, თუმცა მათი ეს მცდელობა აღკვეთილ იქნა.
რეგიონის შინაგან საქმეთა მინისტრის, სარფარაზ ბუგტის თქმით, ორი თვადამსხმელი ეკლესიის შესასვლელში იქნა აყვანილი. როგორც მან „თვითერზე“ დაწერა, მათი შესასვლელთან შეკავება რომ არ მომხდარიყო, ასეულობით ადამიანი დაიღუპებოდა.
BBC-ის ცნობით, ერთ-ერთმა მამაკაცმა თავისი ასაფეთქებელი ქამარი აამოქმედა და მეორე შეიარაღებულ ბრძოლაში პოლიციის მიერ იქნა შეჩერებული.
უსაფრთხოების ძალები სამძებრო ოპერაციას ახორციელებენ და მათ თავდასხმის ადგილი გარშემორტყმული აქვთ, იუწყებიან ადგილობრივი ტელევიზიები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.