საქართველოს მთავრობისა და სამთავრობო პროგრამისთვის ნდობის გამოცხადებამდე, დღეს მინისტრებს პარლამენტში კომიტეტების, ფრაქციების, უმრავლესობისა და უმცირესობის ფარგლებში უსმენენ. საკომიტეტო მოსმენაზე საქართველოს თავდაცვის მინისტრმა ათწუთიანი მოხსენება საქმიანობის იმ ძირითად პრიორიტეტზე საუბრით დაიწყო, რომლითაც უწყებამ მნიშვნელოვან წარმატებას მიაღწია.
თავდაცვის უწყების ცნობით, ლევან იზორიამ ყურადღება ანტისაჰაერო სისტემის მიმართულებაზე გაამახვილა და აღნიშნა, რომ წლის განმავლობაში საფრანგეთში სტუმრობისას ის ადგილზე THALES და MBDA კომპანიების ტექნიკურ აღჭურვილობას გაეცნო.
„ეს ტექნიკური აღჭურვილობა შევიძინეთ და უკვე საქართველოშია. აქედან გამომდინარე, ჩვენ პირველი ფაზის ფარგლებში ყველაფერს გავაკეთებთ იმისთვის, რომ ჩვენი საჰაერო სივრცე იყოს მეტად დაცული და გვაქვს მზაობა, რომ მეორე ფაზა ფრანგ კოლეგებთან ერთად გავაგრძელოთ“, განაცხადა თავდაცვის მინისტრმა საპარლამენტო კომიტეტში მოხსენებისას.
საკომიტეტო მოსმენისას ლევან იზორიამ ყურადღება ანტისატანკო სისტემის შესყიდვაზეც გაამახვილა და აშშ-ის კონგრესის მიერ ამ მიმართულებით მიღებული დადებითი გადაწყვეტილება გააჟღერა. როგორც თავდაცვის მინისტრმა განაცხადა, აშშ-ის საკანონმდებლო ორგანოს გადაწყვეტილება იმ რეფორმების აღიარებაა, რომელიც თავდაცვის უწყებაში განხორციელდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.