ლატვიის სეიმმა მიიღო კანონი, რომელიც იმ ვეტერანების სტატუსს ათანაბრებს, რომლებიც მეორე მსოფლიო ომში, საბჭოთა კავშირს წარმოადგენდნენ და ნაცისტური გერმანიის წინააღმდეგ იბრძოდნენ, და ასევე ვინც გერმანიის მხარეზე იყო და საბჭოთა კავშირს ებრძოდა, იტყობინება სააგენტო „რია ნოვოსტი“.
კანონპროექტი პარლამენტს ადამიანის უფლებების და საზოგადოებრივი საქმეების კომისიამ შესთავაზა. კანონი მხოლოდ მათზე გავრცელდება, ვინც ლატვიის მოქალაქეები არიან და არ შეეხება მათ, ვინც ამ ქვეყნის მოქალაქეებს არ წარმოადგენენ. ლატვიაში 200 ათასზე მეტი ამ ქვეყნის არამოქალაქე ადამიანი ცხოვრობს.
მეორე მსოფლიო ომის მონაწილეებად აღიარებული არიან ის ადამიანები, რომლებიც 1940 წლის 17 ივნისის მდგომარეობით ლატვიის მოქალაქეები იყვნენ, და ქვეყნის მუდმივი მცხოვრებნი, რომლებიც ამ თარიღამდე ლეგალურად შევიდნენ რესპუბლიკაში.
ამავე დროს, მეორე მსოფლიო ომის მონაწილის სტატუსზე უარი ეთქმებათ გერმანიის ნაციონალ-სოციალისტური პარტიის წარმომადგენლებს და მის გასამხედროებულ სტრუქტურებს, საიდუმლო პოლიციას და უსაფრთხოების სამსახურს. ამავე სტატუსს ასევე ვერ მიიღებენ ისინი, ვისაც კაცობრიობის წინააღმდეგ დანაშაული აქვს ჩადენილი და ვინც „КГБ“-ს ყოფილი თანამშრომელი იყო. თუმცა ეს არ ეხება მათ, ვინც საბჭოთა დროში ადმინისტრაციულ თანამდებობებზე მუშაობდა, წერს რუსული სააგენტო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.