მოსკოვში ავტობუსი გზის სავალი ნაწილიდან გადავიდა და მიწისქვეშა გადასასვლელში ჩავარდა, დაღუპულია სულ მცირე 4 ადამიანი და დაზიანებები აქვს მიღებული 15 სხვას.
ინციდენტი მოსკოვის დასავლეთ ნაწილში, მეტროსადგურ „სლავიანსკი ბულვარის“ სიახლოვეს მოხდა.
„რია ნოვოსტის“ ცნობით, ავტობუსის მძღოლმა განაცხადა, რომ ავტოსატრანსპორტო საშუალებამ უეცრად თავისით დაიწყო მოძრაობა, იგი შეეცადა მის გაჩერებას, მაგრამ მუხრუჭებმა არ იმუშავა.
როგორც BBC იუწყება, დაზუსტებული მონაცემები, თუ რამდენი ადამიანი გარდაიცვალა, უცნობია. ჯანდაცვის ოფიციალური პირების განცხადებით, დაიღუპა 4 ადამიანი, მაშინ როცა შინაგან საქმეთა სამინისტროს წარმომადგენელმა, პოლკოვნიკმა იური ტიტოვმა თქვა, რომ ინციდენტმა 5 ადამიანის სიცოცხლე იმსხვერპლა.
სააგენტო „ინტერფაქსის“ ცნობით, ავტობუსი 1 წლისაც არ იყო. მოსკოვის მერმა, სერგეი სობიანინმა ინციდენტის ადგილას რეპორტიორებს უთხრა, რომ გაცემულია ბრძანება, მოსკოვის ავტობუსების მთელი პარკის შემოწმება მოხდეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.