9 ადამიანი დაიღუპა ღამის განმავლობაში ირანში პროტესტანტებსა და უსაფრთხოების ძალებს შორის შეხლა-შემოხლისას, იტყობინება BBC სახელმწიფო მედიაზე დაყრდნობით.
ისპაჰანის რეგიონის ცენტრალურ ნაწილში მსხვერპლის რიცხვმა სულ მცირე 22 შეადგინა.
BBC-ის ცნობით, 6 პროტესტანტი პოლიციის განყოფილებიდან იარაღის ხელში ჩაგდების მცდელობსას იქნა მოკლული, სხვაგან კი 11 წლის ბიჭი და მამაკაცი რევოლუციურ მცველებთან ერთად შეხლა-შემოხლისას დაიღუპნენ.
2009 წლის სადავო საპრეზიდენტო არჩევნების შემდეგ ბოლო 6 დღის ანტი-სამთავრობო დემონსტრაციები ირანში ყველაზე მასობრივი ხასიათისაა.
გამოსვლები გასული წლის 28 დეკემბერს ქალაქ მაშჰადში დაიწყო და ქუჩებში გამოსული მოქალაქეები თავდაპირველად მომატებულ ფასებს და კორუფციას აპროტესტებდნენ, თუმცა დემონსტრაციებმა მოგვიანებით სხვა ელფერი შეიძინა და უფრო ფართო ანტი-სამთავრობო ხასიათი მიიღო, სადაც ქვეყნის უზენაესი ლიდერის, აიათოლა ალი ხამენეის სიკვდილის მოწოდებებმაც კი გაიჟღერა.
დაპატიმრებულია ასეულობით ადამიანი. პრეზიდენტმა ჰასან რუჰანიმ განაცხადა, რომ საპროტესტო გამოსვლები „შესაძლებლობაა და არა საფრთხე“, მაგრამ პირობა დადო, რომ ალაგმავს „კანონდამრღვევებს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.