ამერიკის შეერთებული შტატების მთავრობამ მუშაობა განაახლა. თეთრი სახლის ინფორმაციით, პრეზიდენტმა დონალდ ტრამპმა ხელი მოაწერა რეზოლუციას, რომლის მიხედვით, დროებითი სამთავრობო დაფინანსება 2018 წლის 8 თებერვლამდე გაგრძელდება.
ტრამპი მოგვიანებით აღნიშნულ ფაქტს „თვითერის" საკუთარ გვერდზე გამოეხმაურა.
„დიდი გამარჯვებაა „რესპუბლიკელებისთვის" „დემოკრატების" მხრიდან დაფინანსების გაგრძელებაზე თანხმობა. მსურს დიდი გამარჯვება ყველასთვის, მათ შორის, „რესპუბლიკელებისთვის", „დემოკრატებისა" და არასრულწლოვანი იმიგრანტებისთვის, განსაკუთრებით კი, ჩვენი საამაყო სამხედროებისა და სასაზღვრო სამსახურისთვის. შევხვდებით მოლაპარაკების მაგიდასთან“, დაწერა აშშ-ის პრეზიდენტმა.
22 იანვარს, აშშ-ის სენატორებმა ხმათა უმრავლესობით მხარი დაუჭირეს მთავრობის მუშაობის განახლებას. „დემოკრატებმა" დოკუმენტს მხარი მას შემდეგ დაუჭირეს, რაც „რესპუბლიკელების" ლიდერი სენატში, მიტჩ მაკკონელი მათ დაჰპირდა, რომ ისინი დაუბრუნდებოდნენ არალეგალი მიგრანტებისთვის გარანტიების საკითხის განხილვას. თუ 8 თებერვალს „დემოკრატები" და „რესპუბლიკელები" არ მოილაპარაკებენ, სენატი ამ საკითხზე ცალკე კანონპროექტის განხილვას დაიწყებს.
ამერიკის შეერთებული შტატების მთავრობამ მუშაობა 20 იანვრის შემდეგ შეწყვიტა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.