მსხვილი საერთაშორისო კომპანია Lulu Group-ი საქართველოს ბაზარზე შემოსვლას განიხილავს. მთავრობის ადმინისტრაციის ცნობით, პოტენციურ საინვესტიციო პროექტებსა და საქართველოში არსებულ ბიზნესგარემოზე პრემიერ მინისტრმა, გიორგი კვირიკაშვილმა და კომპანიის მმართველმა დირექტორმა, ედიიბ აჰამედმა დღეს გამართულ შეხვედრაზე ისაუბრეს.
Lulu Group-ი საქართველოში არსებულ შესაძლებლობებს შეისწავლის, რის შედეგადაც ინვესტიციის განხორციელების გადაწყვეტილებას მიიღებს.
პრემიერმა კომპანიის მმართველმა დირექტორს დეტალური ინფორმაცია მიაწოდა საქართველოს ხელსაყრელი ბიზნესგარემოს, ქვეყანაში განხორციელებული და მიმდინარე რეფორმების შესახებ, რომლებიც მიმართულია სწრაფი ეკონომიკური ზრდის უზრუნველყოფისკენ.
გიორგი კვირიკაშვილმა ასევე ყურადღება გაამახვილა საერთაშორისო რეიტინგებში საქართველოს წამყვან პოზიციებზე, რომელიც ყოველწლიურად უმჯობესდება.
მსხვილ საერთაშორისო კომპანია Lulu Group-ს, რომელიც, ძირითადად, ვაჭრობის სფეროთი არის დაინტერესებული, 40 ათასი თანამშრომელი ჰყავს. კომპანიის წლიური ბრუნვა 7 მილიარდ აშშ დოლარს აღწევს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.