საქართველოს შეიარაღებულ ძალებში ძიუდოში პირად-გუნდური შეჯიბრი გაიმართა. ტურნირი IV მექანიზებული ბრიგადის სპორტულ დარბაზში ჩატარდა. შეჯიბრში მონაწილეობა შეიარაღებული ძალების სხვადასხვა ქვედანაყოფის სამხედრო მოსამსახურეებმა მიიღეს.
თავდაცვის უწყების ცნობით, ტურნირის გამარჯვებულები 60, 66, 72, 80, 90, 100 კილოგრამში და აბსოლუტურ წონით კატეგორიაში გამოვლინდნენ. გუნდური პირველობა სამხედრო პოლიციის დეპარტამენტს ერგო.
შეჯიბრს ძიუდოს ფედერაციის მიერ შერჩეული საერთაშორისო კატეგორიის მსაჯები აკვირდებოდნენ. გამარჯვებულები ნოემბერში, შეიარაღებულ ძალებს შორის გასამართ ბრაზილიის მსოფლიო ჩემპიონატზე მიიღებენ მონაწილეობას.
ტურნირს ორგანიზება გენერალური შტაბის ადმინისტრაციული დეპარტამენტის სპორტული ღონისძიებების სამსახურმა გაუწია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.